11:36, 02 - قىركۇيەك 2021 | GMT +5
قازاقستان كوروناۆيرۋسقا قارسى قانداي ۆاكسينالار ساتىپ الادى
نۇر-سۇلتان. قازاقپارات - بۇل ۇكىمەت وتىرىسىندا ق ر دەنساۋلىق ساقتاۋ ءمينيسترى الەكسەي سوي كوروناۆيرۋسقا قارسى قانداي ۆاكسينالار ساتىپ الىناتىندىعىن ايتتى، دەپ حابارلايدى قازاقپارات ءتىلشىسى.
«قازىردىڭ وزىندە دۇنيەجۇزىلىك دەنساۋلىق ساقتاۋ ۇيىمىندا بىركەلگەن ءبىرقاتار ۆاكسينانى ساتىپ العانىمىزدى اتاپ وتكەن ءجون. ولار: قىتايدىڭ Sinovac كومپانياسى وندىرگەن CoronaVac، Sinopharm كومپانياسى وندىرگەن VeroCell ۆاكسينالارى. بۇعان قوسا، Pfizer- BioNTech ۆاكتسيناسىن جەتكىزۋ جوسپارلانىپ وتىر»، - دەدى الەكسەي سوي.
ءمينيستردىڭ اتاپ وتۋىنشە، قازىرگى ۋاقىتتا تاسىمالداۋعا، جەتكىزۋ كەستەسىنە جانە كەلىسىمشارتقا قول قويۋعا قاتىستى ماسەلەلەر پىسىقتالىپ جاتىر.
«بۇعان قوسا، ۇلتتىق پروفيلاكتيكالىق ەكپە كۇنتىزبەسىنە سايكەس، ۆاكسينامەن باسقارىلاتىن اۋرۋلاردان حالىقتى يممۋنيزاتسيالاۋ بويىنشا تۇراقتى جۇمىس جۇرگىزىلىپ جاتىر»، - دەدى ول.
اۆتور: مارلان جيەمباي
