ۇكىمەت باسشىسى: جاپپاي كاسىپكەرلىكتى دامىتۋعا قولايلى جاعداي جاساۋ جۇمىس جالعاسادى
بۇل تۋرالى بۇگىن ۇكىمەت وتىرىسىندا ق ر پرەمەر- ءمينيسترى اسقار مامين ايتتى، دەپ حابارلايدى قازاقپارات ءتىلشىسى.
«مەملەكەت باسشىسىنىڭ تاپسىرمالارىن ورىنداۋ ودان ءارى ەكونوميكانى ءارتاراپتاندىرۋدى، شيكىزاتقا قاتىستى ەمەس ەكسپورتتىڭ ءوسۋىن جانە ونىمدىلىكتىڭ جوعارىلاۋىن قامتاماسىز ەتەدى. جولداۋدى ىسكە اسىرۋ اياسىندا شاعىن جانە ورتا بيزنەسكە قاجەتتى مەملەكەتتىك قولداۋ كورسەتۋ جانە جاڭا سىن- قاتەرلەردى ەسكەرە وتىرىپ، جاپپاي كاسىپكەرلىكتى دامىتۋعا قولايلى جاعدايلار جاساۋ بويىنشا كەشەندى جۇمىس جالعاسادى»، - دەدى پرەمەر- مينيستر.
ونىڭ اتاپ وتۋىنشە، مەملەكەتتىك قارجىنى باسقارۋدى جەتىلدىرۋ ماكروەكونوميكالىق تۇراقتىلىقتى قامتاماسىز ەتۋگە مۇمكىندىك بەرەدى. بۇل ەكونوميكانىڭ ساپالى دامۋى ءۇشىن نەگىزگى شارت بولىپ تابىلادى.
«گەولوگيا سالاسىن كەشەندى دامىتۋ بويىنشا قويىلعان مىندەتتەر ەلدىڭ مينەرالدىق- شيكىزات بازاسىن كەڭەيتۋگە، ونىڭ ورنىقتى تولىعۋىنا جاعداي جاساۋعا مۇمكىندىك بەرىپ، ينۆەستورلاردىڭ قىزىعۋشىلىعىن ءبىرشاما ارتتىرادى. كەشەندى سيفرلاندىرۋ جانە زاماناۋي سيفرلىق تەحنولوگيالاردىڭ ترانسفەرتى بويىنشا جۇيەلى شارالار ەكونوميكانىڭ جاھاندىق باسەكەگە قابىلەتتىلىگىن ارتتىرۋعا ىقپال ەتەتىن بولادى. ال مەملەكەتتىك سەكتوردى سيفرلىق قايتا جۇكتەۋ - مەملەكەتتىك باسقارۋدىڭ تيىمدىلىگىن ارتتىرادى»، - دەدى ۇكىمەت باسشىسى.
