07:30, 02 - قىركۇيەك 2021 | GMT +5
نيۋ- يوركتە مەترو ستانساسىن توپان سۋ باستى
نيۋ- يورك. قازاقپارات – ا ق ش- تىڭ نيۋ- يورك قالاسىنداعى «28- كوشە» جەراستى مەترو ستانساسىن توپان سۋ باستى، دەپ حابارلايدى قازاقپارات.
بۇل تۋرالى Insider Paper باسىلىمى بەيسەنبى، 2-قىركۇيەك كۇنى Twitter - دە جازدى. ستانسا مانحەتتەندەگى فلەتايرون كۆارتالىندا، برودۆەيدىڭ 28- كوشەمەن قيىلىسىندا ورنالاسقان.
نيۋ- يوركتە اياق استىنان جويقىن سۋ تاسقىنى تۋرالى جاريالاندى. قالادا نوسەر جاۋىن تولاسسىز جاۋىپ، سۋاعارلارعا جينالعان سۋ قايتا سىرتىنا اعىپ جاتىر. سونداي- اق، نيۋ- يوركتەگى ميدتاۋن اۋدانىنان وڭتۇستىك- باتىسقا قاراي 24-شاقىرىم جەردەگى نيۋارك اۋەجايىن سۋ باستى.
