بەيسەنبىگە ارنالعان اۋا رايى
ەلىمىزدىڭ باسىم بولىگىندە انتيتسيكلوننىڭ اسەرىنەن اۋا رايى جاۋىن- شاشىنسىز بولادى. اتموسفەرالىق فرونتالدى بولىكتەردىڭ اسەرىنەن وڭتۇستىك- شىعىستا تاۋلى اۋدانداردا، باتىستا، شىعىستا جانە ورتالىقتا نايزاعايلى جاڭبىر جاۋىپ، كۇندىز باتىستا نوسەر جاۋادى. ەلىمىزدە جەل كۇشەيىپ، وڭتۇستىك- باتىستا شاڭدى داۋىل، باتىستا داۋىل سوعادى، وڭتۇستىك- شىعىستا، باتىستا بۇرشاق، سولتۇستىك پەن ورتالىقتا تۇمان ءتۇسۋى مۇمكىن.
كۇندىز اتىراۋ وبلىسىنىڭ باتىسىندا نايزاعاي، بۇرشاق، داۋىل سوعۋى مۇمكىن، جەل نايزاعاي كەزىندە 15-20 م/س كۇشەيەدى. باتىس قازاقستان وبلىسىنىڭ باتىسىندا نايزاعاي، بۇرشاق، نايزاعاي كەزىندە جەل 15-20 م/س كۇشەيەدى. سولتۇستىك قازاقستان وبلىسىندا تۇندە جانە تاڭەرتەڭ تۇمان تۇسەدى، كۇندىز باتىستا، سولتۇستىك- باتىستا جەل 15-20 م/س كۇشەيەدى.
قاراعاندى وبلىسىنىڭ وڭتۇستىك- شىعىسىندا نايزاعاي كۇتىلەدى، جەل 15-20 م/س كۇشەيەدى، تۇندە جانە تاڭەرتەڭ سولتۇستىكتە، ورتالىعىندا تۇمان كۇتىلەدى. شىعىس قازاقستان وبلىسىندا تۇندە شىعىستا نايزاعاي جارقىلدايدى، جەل 15-20 م/س كۇشەيەدى.
الماتى، جامبىل وبلىستارىندا تاۋلى اۋدانداردا نايزاعاي ويناپ، بۇرشاق جاۋۋى مۇمكىن، جەل 15-20 م/س كۇشەيەدى. تۇركىستان وبلىسىنىڭ تاۋلى اۋداندارىندا، كۇندىز اقتوبە وبلىسىنىڭ باتىسىندا، قوستاناي وبلىسىنىڭ وڭتۇستىك- شىعىسىندا جەل 15-20 م/س كۇشەيەدى.
كۇندىز ماڭعىستاۋ وبلىسىنىڭ سولتۇستىك- شىعىسىندا جەل 15-20 م/س كۇشەيىپ، شاڭدى داۋىل سوعادى. اقمولا، شىعىس قازاقستان وبلىستارىنىڭ سولتۇستىگىندە، سولتۇستىك قازاقستان وبلىسىنىڭ سولتۇستىك- شىعىسىندا، پاۆلودار وبلىسىنىڭ باتىسىندا، سولتۇستىگىندە جانە شىعىسىندا، قاراعاندى وبلىسىنىڭ سولتۇستىگىندە جانە شىعىسىندا توپىراق بەتىندە 2 گرادۋس ۇسىك جۇرەدى.
ماڭعىستاۋ، اتىراۋ، باتىس قازاقستان، اقتوبە، تۇركىستان، قىزىلوردا وبلىستارىندا، جامبىل، قوستاناي، الماتى وبلىستارىنىڭ باسىم بولىگىندە، قاراعاندى وبلىسىنىڭ باتىسىندا، وڭتۇستىك- باتىسىندا، شىعىس قازاقستان وبلىسىنىڭ وڭتۇستىگىندە، اقمولا وبلىسىنىڭ باتىسىندا، سولتۇستىك- باتىسىندا توتەنشە ءورت قاۋپى ساقتالادى.
