پرەزيدەنت جولداۋى الەۋمەتتىك تۇراقتىلىقتى ساقتاۋعا باعىتتالعان - دەپۋتات
بۇل پىكىردى ق ر پارلامەنتى ءماجىلىسىنىڭ دەپۋتاتى ءجاميلا نۇرمانبەتوۆا ايتتى، دەپ حابارلايدى قازاقپارات ءتىلشىسى.
«مەملەكەت باسشىسىنىڭ قازاقستان حالقىنا جولداۋى حالىقتىڭ ءال-اۋقاتىن ارتتىرۋعا، الەۋمەتتىك تۇراقتىلىقتى ساقتاۋعا جانە ۇلتتىق ەكونوميكانى كۇشەيتۋگە باعىتتالعان. جولداۋداعى باسىمدىقتار مەن نەگىزگى ەرەجەلەر «Nur Otan» پارتياسىنىڭ سايلاۋالدى باعدارلاماسىن ىسكە اسىرۋعا، ەلباسىنىڭ ستراتەگيالىق باستامالارى مەن پرەزيدەنت تاپسىرمالارىنا قول جەتكىزۋگە باعىتتالعان. الەۋمەتتىك باعدارلانعان مەملەكەت - ەلىمىزدىڭ 30 جىلدىق دامۋىنىڭ نەگىزگى كورسەتكىشى. بۇل جولداۋدا قاسىم-جومارت توقايەۆ الەۋمەتتىك بولىمگە، دەنساۋلىق ساقتاۋدى دامىتۋعا باسا كوڭىل ءبولدى. پاندەميا جاعدايىندا بيولوگيالىق قاۋىپسىزدىكتى بولجاۋدىڭ ۇلتتىق جۇيەسىن قۇرۋعا ەرەكشە نازار اۋدارىلدى. قازىردىڭ وزىندە ءبىز زەرتحانالىق بازانى قۇرۋ مەن جەتىلدىرۋگە، بيولوگيالىق قاۋىپسىزدىكتى قامتاماسىز ەتۋ بويىنشا ماتەريالدىق-تەحنيكالىق جاراقتاندىرۋعا باعىتتالاتىن بيولوگيالىق قاۋىپسىزدىك تۋرالى زاڭدى قابىلدايتىن بولامىز. جالپى العاندا، بۇل بيولوگيالىق قاۋىپسىزدىك بويىنشا ءبىرىڭعاي اقپاراتتىق جۇيەنى قۇرۋ، ءدال وسى سالادا كادرلاردى ارتتىرۋ جانە دايارلاۋ»، - دەدى دەپۋتات تىلشىلەرگە بەرگەن سۇحباتىندا.
سونىمەن بىرگە، پرەزيدەنت مەديتسينالىق جابدىقتار مەن ءدارى-دارمەكپەن قامتاماسىز ەتۋدى ساراپتاۋ جونىندەگى ۇلتتىق ورتالىقتى قۇرۋعا ەرەكشە نازار اۋداردى.
«بۇل ازاماتتارىمىزدى ساپالى ءدارى-دارمەكپەن قامتاماسىز ەتۋگە جانە وتاندىق فارماتسيانى دامىتۋعا مۇمكىندىك بەرەدى. بۇگىن جولداۋدا ءدارى-دارمەكتىڭ %18 ى عانا وتاندىق ءوندىرىس ەكەنى ايتىلدى. بۇل كورسەتكىشتى 2022-جىلعا دەيىن %50 عا كوتەرۋ تاپسىرىلدى. وسى سەبەپتەن ەلىمىزدە ءدارى-دارمەك قىمبات، ويتكەنى ولار شەتەلدەن جەتكىزىلەدى. پرەزيدەنت جولداۋىندا ساپالى ءبىلىم بەرۋدى قامتاماسىز ەتۋگە دە كوڭىل بولىنگەن. مەملەكەت باسشىسى ءبىلىم قارقىندى دامىپ جاتقان اقپاراتتىق داۋىردە وقۋ باعدارلامالارىن دا بەيىمدەۋ قاجەتتىگىن اتاپ ءوتتى. بۇل ءۇشىن ارينە، مۇعالىمدەر دايىن بولۋى كەرەك. ءبىزدىڭ پەداگوگتاردىڭ بىلىكتىلىگىن ارتتىرۋ مەرزىمدىلىگىنە ەرەكشە نازار اۋدارىلدى. بۇرىن بىلىكتىلىكتى ارتتىرۋ بەس جىلدا ءبىر رەت وتكىزىلسە، ەندى ءار ءۇش جىل سايىن بىلىكتىلىكتى ارتتىرۋ مىندەتى قويىلدى»، - دەيدى ج. نۇرمانبەتوۆا.
