كاسىپكەرلەر مەكتەپ اسحاناسىنداعى تاماق قۇنىن كوتەرۋدى ۇسىندى

نۇر-سۇلتان. قازاقپارات - جاڭا وقۋ جىلى باستالىسىمەن مەكتەپ اسحانالارى ىسكە قوسىلادى.

الايدا اسحانالاردى جالعا الۋشىلار مەكتەپ وقۋشىلارىنا تولىققاندى تاماقتانۋدى قامتاماسىز ەتۋ ءۇشىن ءبىرقاتار ماسەلەنى شەشۋ قاجەتتىگىن مالىمدەدى.

بۇل تۋرالى قازاقپارات «اتامەكەننىڭ» نۇر-سۇلتان قالاسىنداعى پالاتاسىنا سىلتەمە جاساپ حابارلايدى.

كاسىپكەرلەر ءبىرىنشى كەزەكتە كۇنىنە ءبىر وقۋشىعا شاقتالعان ءبىر رەتتىك تاماقتانۋ قۇنىن كوتەرۋدى سۇرايدى. بۇگىندە باعا 2020 -جىلعى قاڭتار دەڭگەيىندە قالىپ، ق ق س- تى ەسەپتەۋمەن 376 تەڭگەنى قۇرايدى.

«تاماقتانۋ قۇنىن 600 تەڭگەگە دەيىن ءوسىرۋدى نەمەسە وزىندىك قۇن بويىنشا ءمازىردى قىسقارتۋ ماسەلەسىن قاراستىرۋدى سۇرايمىز. ويتكەنى 2021 -جىلى %6-7 ينفلياتسيالىق ۇستەمەنىڭ بولماۋى جانە تاماق ونىمدەرى قۇنىنىڭ %43 عا دەيىن قىمباتتاۋى، سونداي- اق تاماق جەتكىزۋشىلەرگە بايقاۋ قۇجاتتاماسىنىڭ تەحنيكالىق تاپسىرماسىنا قاراستىرىلماعان سانيتاريالىق شارالار - قورعانۋ ماسكالارى، سانيتايزەرلەر، تەرمومەترلەر جانە باسقا شارالاردى ساقتاۋعا بايلانىستى سالىنعان قوسىمشا شىعىندار سالدارىنان جۇمىس ىستەۋ ءتيىمسىز»، - دەدى نۇر-سۇلتان قالاسى كاسىپكەرلەر پالاتاسىنىڭ ديرەكتورى المات ءجۇنىسوۆ. جالعا الۋشىلاردىڭ ايتۋىنشا، ەلوردادا ءبىلىم بەرۋ باسقارماسى باستاۋىش (1-4-سىنىپ) سىنىپ وقۋشىلارىنا جىل سايىن تەگىن تاماقتاندىرۋدى ۇيىمداستىرادى. وسى قىزمەتتى اتقارۋعا قالا بيۋدجەتى ەسەبىنەن ءتيىستى قارجى قاراستىرىلعان. سونىمەن قاتار كاسىپكەرلەر كارانتين شارالارىن ساقتاۋ شەڭبەرىندە اسحانالار 2020 -جىلدىڭ ناۋرىزىنان باستاپ جۇمىس ىستەمەدى، ەندى جۇمىس ۇيىمداستىرۋ ءۇشىن ولارعا جاقىن ارادا 1500 جۇمىسشى كەرەك.

«پاندەميا كەزەڭىندە بىلىكتى پەرسونالدىڭ باسىم بولىگى قىزمەتتەن بوسادى نەمەسە قىسقارتىلدى. جۇمىس ورىندارىنا 1500 جۇمىسشى كەرەك. بۇدان بولەك، قىزمەتتى 1,5 جىل ءماجبۇرلى توقتاتۋدان كەيىن اسحانا بلوكتارىندا جوندەۋ جۇمىستارى، دەراتيزاتسيالىق، دەزينفەكتسيالىق، دەزينسەكتسيالىق جۇمىستارىن جۇرگىزىپ، جەلدەتۋ جۇيەسىن تازالاپ، اسحانا بولمەلەرىن جۋىپ- شايۋ قاجەت»، - دەيدى جالعا الۋشىلار.

سانيتاريالىق- ەپيدەمياعا قارسى جانە سانيتاريالىق- پروفيلاكتيكالىق ءىس- شارالاردى ساقتاۋ ءۇشىن دەزينفەكتسيالىق قۇرالدار، قورعانۋ ماسكالارى، سانيتايزەرلەردى ورناتىپ، سونداي- اق ازىق- تۇلىك ونىمدەرىن ءوزىن ساتىپ الۋعا قوسىمشا قارجىلاندىرۋ قاجەت.

«وسى جۇمىستارعا الدىن الا دايىندالا المادىق، ويتكەنى جۇمىس ىستەۋگە رۇقسات بەرەتىنىن- بەرمەيتىنىن بىلمەدىك. ال قىزمەت كورسەتۋگە دايىندىق قارجى سالۋدى تالاپ ەتەدى، سوندىقتان قاۋلىنىڭ شىعۋىن كۇتتىك. بىزگە بالالار دەنساۋلىعىنىڭ قاۋىپسىزدىگىن قامتاماسىز ەتۋ ءۇشىن بارلىق سانيتاريالىق ءنورماتيۆتى قاتاڭ ساقتاۋ كەرەك»، - دەپ اتاپ ءوتتى تاماقتانۋ سالاسى وكىلدەرىنىڭ اتىنان «سووتەچەستۆەننيكي» ج ش س ديرەكتورى اناستاسيا زاحارەنكوۆا.

سانيتاريالىق نورمالارعا كەلەر بولساق، جەتكىزۋشىلەر تاماقتانۋ زالىندا اۋا رەتسيركۋلياتورىنىڭ بولۋىنا مەكتەپ الدە جەتكىزۋشى جاۋاپتى ەكەنىن ءتۇسىندىرۋدى سۇرادى، ويتكەنى تاماقتانۋ زالى تاماق جەتكىزۋشىنىڭ جالعا العان اۋدانىنا كىرمەيدى. سونداي-اق، جالعا الۋشىلار پاندەميا كەزىندە جۇمىستى توقتاتا تۇرۋعا ءماجبۇر بولعاندىقتان، جالعا الۋ كۇنىن ناقتى جۇمىس باستالعان كۇننەن ەسەپتەۋدى سۇرايدى. كەلىسىمشارتقا سايكەس، ءۇش جىل جۇمىس مەرزىمىن ۇزارتۋدى ەسەپكە العاندا، بۇگىندە جۇمىس ىستەۋگە تاعى 1,5 جىل قالدى.