زەينەتاقى قورىنداعى جەتكىلىكتى جيناقتان اسقانىن «وتباسى» بانكىنە اۋدارۋعا رۇقسات بەرۋ كەرەك - پرەزيدەنت

نۇر-سۇلتان. قازاقپارات - ءبىرىڭعاي جيناقتاۋشى زەينەتاقى قورىنداعى جەتكىلىكتىلىك شەگىنەن اساتىن جيناقتى «وتباسى» بانكىنە اۋدارۋعا رۇقسات بەرۋ كەرەك.

بۇل تۋرالى مەملەكەت باسشىسى قاسىم-جومارت توقايەۆ قازاقستان حالقىنا جولداۋى بارىسىندا ايتتى، دەپ حابارلايدى قازاقپارات ءتىلشىسى.

«زەينەتاقى جيناعىن مەرزىمىنەن بۇرىن پايدالانۋ بويىنشا باستامانىڭ وڭ اسەرىن بۇعان دەيىن اتاپ وتكەن ەدىم. ول ادامداردى جۇمىس بەرۋشىدەن تولەمدى «ءادىل» بەرۋىن تالاپ ەتۋگە يتەرمەلەدى. بۇل تەندەنسيانى قولداۋ ءۇشىن مۇنان ارى باسپانا ساتىپ الۋ ءۇشىن «وتباسى» بانكىندەگى ەسەپشوتقا زەينەتاقى جيناعىنىڭ جەتكىلىكتىلىك شەگىنەن اساتىن بولىگىن اۋدارۋعا رۇقسات بەرۋ قاجەت. بۇل دا اقشا جيناۋ داعدىسىن ىنتالاندىرۋعا جانە ونى ءتيىمدى جۇمساۋعا مۇمكىندىك بەرەدى»، - دەدى مەملەكەت باسشىسى.

اۆتور: مارلان جيەمباي