مەملەكەت باسشىسى اقشانىڭ قۇنسىزدانۋىن توقتاتۋدى تاپسىردى
«ءبىز ينفلياتسيانىڭ باقىلاۋسىز وسىمىنە تاپ كەلدىك. ۇلتتىق بانك، ۇكىمەت ونى الەمدىك تەندەنتسيالارعا سىلتەپ، ينفلياتسيا الدىندا دارمەنسىز بولىپ شىقتى. مۇنداي سيپاتتاعى جەلەۋلەر ۇلتتىق ەكونوميكانىڭ قاۋقارسىزدىعىن كورسەتەدى. تاعى ءبىر سۇراق تۋىندايدى. سوندا ءبىزدىڭ كاسىبي ەكونوميستەردىڭ ءرولى نەدە؟ ۇلتتىق بانك پەن ۇكىمەتتىڭ باستى مىندەتى - ينفلياتسيانى 6-4 پايىز دالىزىنە قايتارۋ»، - دەدى ق ر پرەزيدەنتى.
سونداي-اق، ول ۇلتتىق قوردىڭ اكتيۆتەرىن قالپىنا كەلتىرۋ ءۇشىن بيۋدجەتتىك ەرەجەگە كوشۋدى جەدەلدەتۋدى تاپسىردى.
«سوڭعى كەزدە مەملەكەتتىك شىعىس مىندەتتەمەلەرىن جابۋ ءۇشىن بيۋدجەت تاپشىلىعى مەن ۇلتتىق قوردان الىناتىن ترانسفەرتتىڭ ارتۋ تەندەنسياسى بايقالۋدا. ۇنەمى مۇنداي جەڭىل جولمەن ءجۇرۋ مۇمكىن ەمەس. قارجىلىق تۇراقتىلىق قورى شەكسىز ەمەس. بيۋدجەتتىڭ كىرىسىن ارتتىرۋ بويىنشا شارالار قاجەت ەكەنى انىق. ءبىراق ءبىرىنشى كەزەكتە مەملەكەتتىك شىعىنداردىڭ كولەمى مەن تيىمدىلىگىنە باقىلاۋ كەرەك. ۇلتتىق قور اكتيۆتەرىن قالپىنا كەلتىرۋ ءۇشىن بيۋدجەتتىك ەرەجەنى ەنگىزۋدى جەدەلدەتۋ كەرەك. ءتيىستى زاڭنامالىق تۇزەتۋلەر جىلدىڭ سوڭىنا دەيىن قابىلدانۋى قاجەت»، - دەدى پرەزيدەنت.
