ەلوردادا وقۋشىلارىنىڭ قوعامدىق كولىكتى پايدالانۋ ەرەجەسىنە وزگەرىستەر ەنگىزىلدى
CTS كومپانياسىندا جولاۋشىلاردىڭ، سونىڭ ىشىندە بالالاردىڭ ساپار كەزىندەگى ءجۇرىس- تۇرىس ەرەجەلەرى تۋرالى ەسكە سالدى، دەپ حابارلايدى قازاقپارات نۇر-سۇلتان اكىمدىگىنىڭ رەسمي سايتىنا سىلتەمە جاساپ.
1-قىركۇيەكتەن باستاپ وقۋشىلار ءداستۇرلى وقىتۋ فورماتىنا كوشەدى. وسىعان بايلانىستى قوعامدىق كولىك پايدالانۋشىلارىنان ەگەر بالالار اداسىپ كەتكەن بولسا، ولارعا اۆتوبۋستاردا كومەك كورسەتۋدى نەمەسە قاجەتتى ايالداما پۋنكتىنە قالاي جەتۋگە بولاتىنىن ايتىپ، ءجون سىلتەۋىن سۇرايدى. جۇرگىزۋشىلەر نەمەسە باقىلاۋشىلار تاراپىنان بالالارعا دورەكىلىك تانىتقانىن بايقاعان كۋاگەرلەر بۇل وقيعا تۋرالى CTS كومپانياسىنا الەۋمەتتىك جەلىلەر (cts_kz instagram پلاتفورماسىندا) ارقىلى حابارلاي الادى نەمەسە شاعىمدى Ikomek قىزمەتىنە 109 ءنومىرى بويىنشا قالدىرا الادى.
ايتا كەتۋ كەرەك، قوعامدىق كولىكتە بالالار ءۇشىن جول ءجۇرۋ تەگىن بولسا دا، اۆتوبۋستاردا ۆاليداتسيا مىندەتتى بولىپ سانالادى. بۇل ساپارلاردىڭ كوررەسپوندەنسياسىن تالداۋ ءۇشىن قاجەت. وسىلايشا، جەڭىلدەتىلگەن جول ءجۇرۋ ەنگىزىلگەن ساتتەن باستاپ بالالار شامامەن 14 ميلليون 800 مىڭ ساپار جاسادى. 56 مىڭ مەكتەپكە ارنالعان كولىك كارتاسى شىعارىلدى.
مەكتەپكە ارنالعان كولىك كارتاسىن قالاي الۋعا بولادى؟ كولىك كارتاسىن الۋ ءۇشىن كامەلەتكە تولماعان بالالاردىڭ اتا- انالارى نەمەسە زاڭدى وكىلدەرى قوشقاربايەۆ داڭعىلى، 50/1 مەكەنجايى بويىنشا ورنالاسقان ورتالىق كاسساعا راستاۋشى قۇجاتتارمەن نەمەسە transcard.kz سايتىندا قاجەتتى سكانەرلەنگەن قۇجاتتاردىڭ كوشىرمەلەرىن تىركەي وتىرىپ، ونلاين-ءوتىنىم بەرۋى قاجەت.
جەكە كۋالىگى بار 16 جاستان اسقان جولاۋشىلار مۇنى وزدەرى جاساي الادى. راسىمدەۋ ءۇشىن اتا- انالاردىڭ ءبىرىنىڭ جەكە كۋالىگى، ج س ن (جەكە كۋالىگى) بار تۋۋ تۋرالى كۋالىك، مەكتەپتەن انىقتاما جانە 3x 4 ءبىر فوتو قاجەت.
مەكتەپكە ارنالعان كولىك كارتاسىن العاش رەت ساتىپ الۋ سوماسى 500 ت گ قۇرايدى. قايتا شىعارۋ - 1000 تەڭگە. ەستەرىڭىزگە سالا كەتەيىك، مامانداندىرىلعان كولىك كارتاسى العاشقى ۆاليداتسيا ساتىنەن باستاپ 5 جىل بويى جۇمىس ىستەيدى. قوعامدىق كولىكتە ساپارعا شىقپاس بۇرىن بالاعا نە ءبىلۋ كەرەك؟ اۆتوبۋسقا وتىرىپ، ەڭ الدىمەن، بالا ءوزىنىڭ باعىتى مەن ايالداماسىن جاقسى ءبىلۋى كەرەك.
اۆتوبۋسقا وتىرعىزۋ كەزىندە جولدىڭ شەتىنە جاقىن تۇرۋ قاۋىپتى ەكەنىن ەستە ۇستاعان ءجون. تۇتقالاردى ۇستاۋدى ۇمىتپاڭىز، ەگەر بويى جەتپەسە، تىك تۇتقالاردى مىقتاپ ۇستاپ، اۆتوبۋس باعىتى بويىنشا تۇرىڭىز. جاس جولاۋشى ريۋكزاكتى ءتۇسىرىپ، ونى قولىنا الۋى كەرەك. جولدا ءسىز ءوزىڭىزدىڭ ايالداماڭىزدى جىبەرىپ الماۋ ءۇشىن ۇيالى تەلەفونعا الاڭداماۋىڭىز نەمەسە كىتاپ وقىماۋىڭىز كەرەك. ساپار كەزىندە بالا اۆتوبۋس تولىق توقتاعاننان كەيىن عانا ءمىنىپ، ءتۇسۋى كەرەك ەكەنىن ءبىلۋى قاجەت.
سونىمەن قاتار، اۆتوبۋستاردا ماسكا رەجيمىن قاتاڭ ساقتاۋ كەرەك ەكەنىن ۇمىتپاڭىز.
ايتا كەتۋ كەرەك، ەلوردالىق 848 اۆتوبۋستا ەرەكشە قاجەتتىلىكتەرى بار ادامداردى ىڭعايلى تاسىمالداۋ ءۇشىن جاعداي جاسالعان. بارلىق وسى سيپاتتامالار مۇمكىندىگى شەكتەۋلى جاندار قوزعالىسىنا ارنالعان. ونىڭ ىشىندە:
- دىبىستىق جانە كورنەكى اقپاراتتىق تابلو؛
- بۇرىلۋعا ارنالعان بوس ورىن؛
- جۇرگىزۋشىنى شاقىرۋ تۇيمەسى؛
- پاندۋس؛
- ءبۇيىر قابىرعالارى بويىمەن كولدەنەڭ تۇتقالار.
اۆتوبۋس جۇرگىزۋشىسى بورديۋرعا جاقىنداپ توقتاۋى ءتيىس. وسىدان كەيىن جۇرگىزۋشى پاندۋستى ءتۇسىرىپ، جولاۋشىعا اۆتوبۋسقا مىنۋىنە كومەكتەسۋى كەرەك. ەگەر جيەكتىڭ بيىكتىگى اۆتوبۋستىڭ تابالدىرىعىنا سايكەس كەلسە، اربانى پاندۋسسىز كىرگىزۋگە بولادى. وسىلايشا، ەرەكشە قاجەتتىلىكتەرى بار جولاۋشى قوعامدىق كولىكتى كەدەرگىسىز پايدالانا الادى.
