10:49, 01 - قىركۇيەك 2021 | GMT +5
الەم چەمپيونى تيتۋلىن قورعار الدىندا دوپينگپەن ۇستالدى
نۇر- سۇلتان. قازاقپارات - WBC نۇسقاسى بويىنشا ەكىنشى جەڭىل سالماقتاعى الەم چەمپيونى مەكسيكالىق وسكار ۆالدەس دوپينگكە ەرىكتى تەستىلەۋ قاۋىمداستىعىنىڭ (VADA) انتيدوپينگتىك تەستىنەن وتە الماي قالدى.
بوكسشىنىڭ اعزاسىنان تىيىم سالىنعان پرەپارات فەنەتەرمين تابىلعان، دەپ حابارلايدى قازاقپارات Sports.kz سايتىنا سىلتەمە جاساپ.
بۇكىل الەمدىك بوكس كەڭەسىنىڭ (WBC) وكىلدەرى بۇل جاعداي بويىنشا زەرتتەۋ اياقتالمايىنشا، قانداي دا ءبىر تۇسىنىكتەمە بەرۋدەن باس تارتتى. وسىلايشا، ا ق ش- تىڭ اريزونا شتاتى، تۋسون قالاسىندا Casino Del Sol-دا 10-قىركۇيەككە جوسپارلانعان وسكار مەن برازيليالىق روبسون كونسەيسان اراسىنداعى جەكپە- جەكتىڭ تاعدىرى بەلگىسىز بولىپ وتىر.
ەسكە سالا كەتەيىك، وسكار وسى جىلدىڭ 20-اقپانىندا ەكىنشى جەڭىل سالماقتا چەمپيون بەلدىگىن جەڭىپ الدى. ول ونىنشى راۋندا ءوزىنىڭ وتانداسى ميگەل بەرچەلتانى نوكاۋتقا جىبەرگەن بولاتىن.
