ەلورداداعى «تۇلپار» ساۋدا ءۇيى ورتەندى - ۆيدەو

نۇر- سۇلتان. قازاقپارات- ەلورداداعى بايقوڭىر اۋدانى ءۋاليحانوۆ كوشەسىندە ورنالاسقان «تۇلپار» ساۋدا ۇيىندە ءورت شىقتى، دەپ حابارلايدى قازاقپارات. قالالىق ت ج د- نە سىلتەمە جاساپ.

«بۇگىن ساعات 07:36 مينۋتتا ەلوردالىق ءورت ءسوندىرۋ قىزمەتىنىڭ 101 پۋلتىنە بايقوڭىر اۋدانى ءۋاليحانوۆ كوشەسى 24 تۇلپار ساۋدا ۇيىندە ءورت ورىن العانى تۋرالى حابارلاما كەلىپ ءتۇستى.

#3 شاقىرتۋ دارەجەسى بەلگىلەنىپ، ءورت ءسوندىرۋ ەسەپتەرىنىڭ كەلىپ جەتۋى كەزىندە 4 قاباتتى ساۋدا ءۇيدىڭ ەڭ جوعارى 4- قاباتىندا ورنالاسقان ساۋدا بۋتيكتەرىنىڭ ورتەنىپ جاتقانى انىقتالدى. ءورت ءسوندىرۋ جەدەل شتابى قۇرىلىپ، 2 جاۋىنگەرلىك ۋچاسكەگە بولىنگەن. قازىرگى ساتتە ءورت ورنىندا ەلوردالىق ت ج د- نىڭ 19 تەحنيكاسى جانە جەكە قۇرامنىڭ 71 ادامى جۇمىلدىرىلعان. زارداپ شەككەندەر مەن قازا بولعاندار جوق»، دەلىنگەن اتالمىش دەپارتامەنتتىڭ حابارلاماسىندا.