استانادا ۆاكسينا العاندار سانى قانشا؟
330 مىڭنان استام ادام تولىق يممۋنداۋدان ءوتتى. ۆاكسيناتسيالانعانداردىڭ اراسىندا جاس جانە ەگدە جاستاعى ادامدار ءجيى كەزدەسەدى.
«بىزدە ۆاكسينا العىسى كەلەتىندەردىڭ قارقىنى بايقالادى. ۆاكسينانىڭ كومەگىمەن عانا كوروناۆيرۋستىق ينفەكسياعا قارسى تۇرۋعا بولاتىنىن ءبىراز ادام ءتۇسىندى. قالا تۇرعىندارىنىڭ باسىم بولىگى ۆاكسيناتسيادان ءوتتى. بۇل مامىر ايىنىڭ باسىنان باستاپ بۇگىنگە دەيىن بايقالىپ وتىر»، - دەپ اتاپ ءوتتى قوعامدىق دەنساۋلىق ساقتاۋ باسقارماسى.
ۆاكتسيناتسيا ءسىزدىڭ دەنساۋلىعىڭىزدى دا، جاقىندارىڭىز بەن اينالاڭىزداعى ادامداردىڭ دا دەنساۋلىعىن قورعايدى. ۇجىمدىق يممۋنيتەت قالىپتاسقان جاعدايدا قالا كارانتينگە دەيىنگى قالىپتى ومىرگە ورالا الادى.
قازىرگى ۋاقىتتا ەلوردادا ۆاكسينانىڭ ءۇش ءتۇرى بار: رەسەيلىك «سپۋتنيك» ، قازاقستاندىق QazVac جانە قىتايلىق Sinopharm كومپانياسىنىڭ Vero Cell ءونىمى.
