قاراعاندى وبلىسىندا سپورت نۇسقاۋشىلارى ينستيتۋتى دامىپ كەلەدى

قاراعاندى. قازاقپارات - قاراعاندى ​​وبلىسىنىڭ قالالارى مەن وبلىستارىندا سپورت نۇسقاۋشىلارى ينستيتۋتىن ەنگىزۋ بويىنشا جوبا جۇزەگە اسىرىلىپ جاتىر، دەپ حابارلايدى قازاقپارات.

بۇل بۇقارالىق سپورتتى دامىتۋعا جانە قولدانىستاعى سپورت زالدارى مەن كەشەندەردى ءتيىمدى پايدالانۋعا ىقپال ەتەدى.

جوبا جۇزەگە اسىرىلا باستاعاننەن بەرگى ءۇش جىلدا سپورت نۇسقاۋشىلارىنىڭ سانى 7 ەسەگە ءوستى.

بۇگىندە وڭىردەگى سپورت نىساندارىندا 339 ادام جۇمىس ىستەيدى، ونىڭ 98 ءى اۋىلدىق جەرلەردە. جوبا وبلىستىق بيۋجەتتەن قارجىلاندىرىلادى.

مىسالى، بۇقار جىراۋ اۋدانىنىڭ پەتروۆكا اۋىلىندا كوشە گيمناستيكاسىنا ارنالعان الاڭ جابدىقتالدى.

«اۋىلدارعا سپورت نۇسقاۋشىلارىن ەنگىزۋ - دۇرىس شەشىم. ەڭ باستىسى - ادامدارعا كومەكتەسۋ. ءبىزدىڭ اۋىل سپورتقا جاقىن. جاڭا الاڭعا 9 جاستان 16 جاسقا دەيىنگى بالالار كەلەدى. سپورتپەن شۇعىلدانۋ تەگىن. ءبىزدىڭ وقۋشىلار جاقسى ناتيجە كورسەتۋدە. وبلىستىق چەمپيوناتتارعا قاتىسىپ، جۇلدەلى ورىندارعا يە بولىپ جاتىر. ارمرەستلينگ، شتانگا كوتەرۋ بويىنشا قازاقستان چەمپيوندارى بار. اۋىلىمىزدا سالاۋاتتى ءومىر سالتىن ۇستانۋشىلاردىڭ كوبەيگەنىن كورۋ قۋانتادى»، - دەيدى ارمرەستلينگ بويىنشا وبلىستىڭ اعا جاتتىقتىرۋشىسى جانە سپورت نۇسقاۋشىسى ۆيكتور كيسەلەۆ.

جاتتىعۋعا ءبىر مەزگىلدە 50 ادام قاتىسا الادى. نۇسقاۋشى ساباقتى جۇرگىزىپ قانا قويماي، سونىمەن قاتار ءوزارا كومەككە، تاۋەلسىزدىككە جانە تارتىپكە تاربيەلەيدى.

«مەن شايبامەن جانە ارمرەستلينگپەن اينالىستىم. سپورت الاڭى پايدا بولعان سوڭ ءوزىمدى ۆوركاۋتتا سىناپ كورە باستادىم. مەن وسى سپورت تۇرىنەن جارىسقا قاتىسقىم كەلەدى. مۇندا كۇن سايىن كەلەمىن. دوستارىمىزبەن بوس ۋاقىتىمىزدى وسىندا وتكىزە الامىز»، - دەيدى جاس سپورتشى دانيل بەرگمان.

سپورت اۋەسقويلارىنا ودان دا كوپ جاعداي جاساۋ ءۇشىن اۋىلداردا جابىق شاعىن زالدار سالۋ تۋرالى يدەيا بار.