پرەزيدەنت جولداۋى قانشا ازاماتتىڭ باسپانالى بولۋىنا سەپتىگىن تيگىزدى

نۇر-سۇلتان. قازاقپارات - ءار ازاماتتىڭ الەۋمەتتىك ءال-اۋقاتى باسپانامەن بايلانىستى ەكەنى بەلگىلى.

ال ادامداردىڭ ءبارىنىڭ بىردەي باسپانانى قولما-قول ساتىپ الۋعا جاعدايى جەتە بەرمەيدى. ەكى قولعا ءبىر كۇرەك ىزدەپ قالا جاعالاعان، ازدى-كوپتى تاپقان جالاقىسىنىڭ ءبىر بولىگىن ۋاقىتشا باسپانا جالداۋعا جۇمساپ جۇرگەن ادامنىڭ ءۇي ساتىپ الۋعا قوماقتى قاراجاتتى بىرەر جىلدىڭ ىشىندە جيناي قويۋى دا مۇمكىن ەمەس.

ءيا، ەلىمىزدە كوپبالالى وتباسىلارعا جەتىم قالعان بالالارعا، مۇگەدەك بالا اسىراپ وتىرعان وتباسىلارعا مەملەكەت تاراپىنان باسپانا بەرىلەدى. الايدا، جەرگىلىكتى اتقارۋشى ورگانداردىڭ تىزىمىنە 500 مىڭ ادام باسپاناعا مۇقتاج رەتىندە ەسەپكە الىنعان.

بۇل كەزەكتىڭ وزىنە جىلدا قوسىلاتىن الەۋمەتتىك از قامتىلعان توپقا جاتاتىن ادامدار بار. دەمەك، بۇل دا باسپانا ارمانىنىڭ تەز ارادا ورىندالۋىنا سەپتىگىن تيگىزە المايدى.

ءيا، جەر-جەردە اكىمدىكتەر الەۋمەتتىك تۇرعىن ۇيلەر سالىپ تا جاتىر. ماسەلەن، ءبىر ەلوردانىڭ وزىندە 50 مىڭعا جۋىق ادام كەزەككە ىلىنگەن. ولارعا شەتىنەن باسپانا بەرىلۋدە. ناقتى دەرەكتەرگە جۇگىنەر بولساق، 2018-جىلى 1100، ال 2019-جىلى 2900، 2020-جىلى 7000 قولجەتىمدى باسپانا بەرىلدى. بيىل مۇنداي الەۋمەتتىك باسپانا سانى 10 مىڭعا جەتپەك. ءبىراق، بۇل دا پروبلەمانى تولىق شەشە المايتىنى انىق.

پربلەمانى شەشۋ جولدارى ق ر پرەزيدەنتى قاسىم-جومارت توقايەۆتىڭ 2020-جىلدىڭ 1- قىركۇيەگىندەگى «جاڭا جاعدايداعى قازاقستان: ءىس-قيمىل كەزەڭى» اتتى قازاقستان حالقىنا جولداۋىندا ايتىلدى.

«بىرىڭعاي جيناقتاۋشى زەينەتاقى قورىنىڭ 700 مىڭ سالىمشىسى 2021-جىلى ءوز جيناقتارىنىڭ ءبىر بولىگىن تۇرعىن ءۇي ساتىپ الۋعا، ەمدەلۋگە نەمەسە قارجى كومپانيالارىنىڭ باسقارۋىنا بەرۋگە پايدالانا الادى. ۇكىمەتكە ۇلتتىق بانكپەن بىرلەسىپ، اعىمداعى جىلدىڭ سوڭىنا دەيىن بارلىق قاجەتتى نورماتيۆتىك-قۇقىقتىق اكتىلەردى قابىلداۋدى جانە دايىندىق جۇمىستارىن جۇرگىزۋدى تاپسىرامىن»، - دەگەن بولاتىن مەملەكەت باسشىسى.

وسىدان كەيىن ق ر ەڭبەك جانە حالىقتى الەۋمەتتىك قورعاۋ مينيسترلىگى ەل ازاماتتارىنىڭ زەينەتاقى جيناقتارىن پايدالانۋ ءۇشىن «جەتكىلىكتىلىك شەگىن» جاريالادى.

جەتكىلىكتىلىك شەگى مولشەرىن الدىن الا ەسەپتەۋ ءارتۇرلى جاستاعى ادامدار ءۇشىن مىناداي بولدى:

20 جاس 1 ميلليون 720 مىڭ، 21 جاس 1 ميلليون 795 مىڭ، 22 جاس 1 ميلليون 871 مىڭ، 23 جاس 1 ميلليون 948 مىڭ، 24 جاس 2 ميلليون 026 مىڭ، 25 جاس 2 ميلليون 105 مىڭ، 26 جاس 2 ميلليون 185 مىڭ، 27 جاس 2 ميلليون 267 مىڭ، 28 جاس 2 ميلليون 349 مىڭ، 29 جاس 2 ميلليون 433 مىڭ، 30 جاس 2 ميلليون 518 مىڭ، 31 جاس 2 ميلليون 604 مىڭ، 32 جاس 2 ميلليون 691 مىڭ، 33 جاس 2 ميلليون 780 مىڭ، 34 جاس 2 ميلليون 810 مىڭ، 35 جاس 2 ميلليون 961 مىڭ، 36 جاس 3 ميلليون 053 مىڭ، 37 جاس 3 ميلليون 147 مىڭ، 38 جاس 3 ميلليون 242 مىڭ، 39 جاس 3 ميلليون 339 مىڭ، 40 جاس 3 ميلليون 437 مىڭ، 41 جاس 3 ميلليون 536 مىڭ، 42 جاس 3 ميلليون 636 مىڭ، 43 جاس 3 ميلليون 739 مىڭ، 44 جاس 3 ميلليون 842 مىڭ، 45 جاس 3 ميلليون 947 مىڭ، 46 جاس 4 ميلليون 054 مىڭ، 47 جاس 4 ميلليون 162 مىڭ، 48 جاس 4 ميلليون 271 مىڭ، 49 جاس 4 ميلليون 383 مىڭ، 50 جاس 4 ميلليون 495 مىڭ، 51 جاس 4 ميلليون 610 مىڭ، 52 جاس 4 ميلليون 726 مىڭ، 53 جاس 4 ميلليون 843 مىڭ، 54 جاس 4 ميلليون 963 مىڭ، 55 جاس 5 ميلليون 084 مىڭ، 56 جاس 5 ميلليون 207 مىڭ، 57 جاس 5 ميلليون 331 مىڭ، 5 8 جاس 5 ميلليون 457 مىڭ، 59 جاس (جانە ودان جوعارى) 5 ميلليون 586 مىڭ تەڭگە.

«جەتكىلىكتىلىك شەگى» دەگەنىمىز بەلگىلى ءبىر جاستاعى سالىمشى ءۇشىن زەينەتاقى جيناقتارىنىڭ ەڭ تومەنگى قاجەتتى سوماسى. ول كىرىستەن ب ج ز ق- عا (ە ت ج- دان تومەن ەمەس) بولاشاقتاعى تۇراقتى 10 پايىز زەيناتاقى جارنالارىن ەسكەرە وتىرىپ، ەڭ تومەنگى زەينەتاقى مولشەرىندە 82 جاسقا دەيىنگى زەينەتاقى تولەمدەرىمەن قامتاماسىز ەتۋگە مۇمكىندىك بەرەدى.

«جەتكىلىكتىلىك شەگى» ايەلدەر مەن ەرلەر ءۇشىن بىردەي بەلگىلەندى جانە ءاربىر جاس ءۇشىن ەسەپتەلدى.

2021-جىلدىڭ 2- قاڭتارىندا مەملەكەت باسشىسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ەكونوميكالىق ءوسۋدى قالپىنا كەلتىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى.

اتالعان زاڭعا سايكەس، زەينەتاقى جيناقتارىنىڭ ءبىر بولىگىن جۇمىس ىستەيتىن، ءتيىستى جاستا زەينەتاقى جيناقتارى «جەتكىلىكتىلىك شەگىنەن» اساتىن ازاماتتار؛

ساقتاندىرۋ كومپانيالارىمەن ب ج ز ق- دا قالعان زەينەتاقى جيناقتارىنىڭ سوماسى شەگىندە ءومىر بويى اننۋيتەتتىك تولەمدەردى قامتاماسىز ەتەتىن زەينەتاقى اننۋيتەتى شارتتارىن جاساسقان ادامدار الا الدى.

ال زەينەتكەرلىككە شىققان ازاماتتار ب ج ز ق- دا قالعان زەينەتاقى قاراجاتىنىڭ 50 پايىزىنان اسپايتىن شەكتە قارجىسىن الۋ مۇمكىندىگىنە يە بولدى. ناتيجەسىندە 761 مىڭنان استام سالىمشى ءوز جيناقتارىنىڭ جەتكىلىكتىلىك شەگىنەن اساتىن ءبىر بولىگىن پايدالانۋعا مۇمكىندىك الدى.

ب ج ز ق سالىمشىلاردىڭ ارنايى شوتتارىنا 1,7 تريلليون تەڭگەدەن استام قاراجات اۋداردى.

بۇل قاراجاتتاردى ازاماتتار تۇرعىن ءۇي جاعدايىن جاقسارتۋعا، ەمدەلۋگە جۇمسادى. بۇل رەتتە تۇرعىن ءۇي جاعدايىن جاقسارتۋعا بەرىلگەن ورتاشا تولەم 4,4 ميلليون، ال ەمدەلۋگە بەرىلگەن ورتاشا تولەم 900 مىڭ تەڭگەنى قۇراعانىن اتاپ وتكەن ءجون.

ال زەينەتاقى جيناقتارىن ينۆەستيتسيالىق پورتفەلدى باسقارۋشىعا اۋدارۋ تۋرالى 1230 ءوتىنىش ماقۇلدانىپ، شامامەن 2,8 ميلليارد تەڭگە كومپانيالارعا بەرىلدى.

«بۇگىنگى كۇنى 147 مىڭ قازاقستاندىق ءۇي يەسى اتاندى، تاعى 72 مىڭنان استامى يپوتەكالىق قارىزىن وتەدى جانە 18 مىڭعا جۋىق ادام زەينەتاقى قورىنداعى قاراجاتىنىڭ ءبىر بولىگىن ەمدەلۋگە جۇمسادى. ولاردىڭ ۇشتەن ءبىرى - ايەلدەر (75493) جانە ۇشتەن ەكىسى - ەر ازاماتتار (161 879). ءبىرجولعى زەينەتاقى تولەمدەرىن قولدانۋ بويىنشا ءبىرىنشى ورىندا ماڭعىستاۋ وبلىسىنىڭ تۇرعىندارى تۇر (36853 ادام)، ولار جالپى سوماسى 326 ميلليارد تەڭگە پايدالانعان.

ەكىنشى ورىندا نۇر-سۇلتان قالاسى (36339 ادام)، ەلوردا تۇرعىندارى 217 ميللياردقا جۋىق تەڭگە قولدانعان.

الماتى قالاسى - ءۇشىنشى ورىندا (31438 ادام)، الماتىلىقتار جالپى سوماسى 241 ميللياردقا جۋىق تەڭگەنى تۇرعىن ءۇي جاعدايىن جاقسارتۋ جانە ەمدەلۋ اقىسىن تولەۋگە جۇمساعان. ياعني، ءبىرجولعى زەينەتاقى تولەمىن enpf-otbasy.kz پلاتفورماسى ارقىلى تۇرعىن ءۇي جاعدايىن جاقسارتۋعا جانە ەمدەۋ ءۇشىن جۇمساۋعا بولادى»، - دەگەن ەدى «وتباسى بانك» ا ق- نىڭ باسپا ءسوز حاتشىسى جانار جولتايەۆا.