ەلوردا پوليتسياسى كۇشەيتىلگەن رەجيمدەگى جۇمىسقا كوشپەك
بۇل تۋرالى نۇر-سۇلتان قالاسى پوليتسيا دەپارتامەنتىنىڭ باسپا ءسوز قىزمەتى حابارلادى.
«جاڭا وقۋ جىلىنىڭ باستالۋى قارساڭىندا بالالاردىڭ جول- كولىك وقيعاسى سالدارىنان جاراقاتتانۋىنىڭ الدىن الۋ، كوشەلەر مەن جولداردا بالالاردىڭ ءقاۋىپسىز ءجۇرىس- تۇرىس داعدىلارىن بەكىتۋ ءۇشىن استانا اۋماعىندا «نازار اۋدارىڭىز - بالالار!» شاراسى وتكىزىلەدى. جول قوزعالىسىنىڭ كىشكەنتاي قاتىسۋشىلارىنا كومەك كورسەتۋ ءۇشىن مەكتەپتەردىڭ جانىندا جانە بالالاردىڭ جيى جۇرەتىن ورىندارىندا وقۋ كەزەڭىندە پاترۋلدەيتىن پوليتسيا جاساقتارى قويىلادى. پوليتسيا قىزمەتكەرلەرى ءبىرىنشى سىنىپتار اراسىندا وقۋ جىلىنىڭ باستالۋىنا ارنالعان سالتاناتتى جيىندارعا قاتىسادى. وقۋشىلارعا جول قوزعالىسى ەرەجەلەرى مەن كارانتيندىك شارالاردى ساقتاي وتىرىپ، ولاردى قولدانۋ داعدىلارىن پىسىقتاۋ بويىنشا تەوريالىق جانە پراكتيكالىق ساباقتار وتكىزىلەدى»، - دەيدى جەرگىلىكتى پوليتسيا قىزمەتىنىڭ باستىعى ارمان ايتماعامبەتوۆ.
سونداي-اق، ەلوردالىق پوليتسيا قىزمەتكەرلەرى مۇددەلى قىزمەتتەرمەن بىرلەسىپ 203 ءبىلىم وشاعىنا ىرگەلەس اۋماقتا جول قوزعالىسىن رەتتەۋگە قاجەت باعدارشام، جول بەلگىلەرى سياقتى قۇرالداردىڭ جۇمىسىنا تالداۋ جۇرگىزىپتى.
«جەلىگە جاۋاپتىلاردىڭ اتىنا كەمشىلىكتەر بويىنشا 152 ۇيعارىم بەرىلدى. 183 جاياۋ جۇرگىنشىلەر وتكەلىندە جول بەلگىلەرى سالىندى. 87 جول بەلگىلەرى ورناتىلىپ، اۋىستىرىلدى، 410 مەتر جاياۋ جۇرگىنشى جولدارى سالىندى، 46 جاساندى كەدىر-بۇدىرلىق ورناتىلدى. 169 مەتر جاساندى جارىق قالپىنا كەلتىرىلدى. 34 مەكتەپ اۆتوبۋسىنىڭ تەحنيكالىق جاي- كۇيىنىڭ قاۋىپسىز پايدالانۋ تالاپتارىنا سايكەستىگى تۇرعىسىنان تەكسەرۋ جۇرگىزىلدى. جۇرگىزۋشىلەرىنە بالالاردى وتىرعىزۋ جانە ءتۇسىرۋ كەزىندە ەرەجەنى ساقتاۋ تۋرالى اڭگىمە جۇرگىزىلدى. جەدەل الدىن الۋ ءىس- شاراسى كەزىندە بالالاردى تاسىمالداۋ ەرەجەلەرىن بۇزۋدىڭ 215 فاكتىسى تىركەلدى. جىل باسىنان بەرى ەلوردا اۋماعىندا جول-كولىك وقيعالارىنىڭ سالدارىنان 47 كامەلەتكە تولماعان بالا زارداپ شەگىپ، ءبىر بالا كوز جۇمدى»، - دەپ جازادى دەپارتامەنتتىڭ باسپا ءسوز قىزمەتى.
اۆتور: ەسىمجان ناقتىباي
