پاريج كوشەلەرىنەن «ۇسقىنسىز» ورىندىقتار مەن بەلگىلەر الىنىپ تاستالادى

نۇر-سۇلتان. قازاقپارات – الداعى ايلاردا پاريج كوشەلەرىنەن جاعىمسىز ورىندىقتار، ۆەلوجولدارعا ارنالعان سارى شەكتەۋلەر جانە قوسىمشا جول بەلگىلەرى الىنىپ تاستالادى.

بۇل تۋرالى ەۆروپۋلس جازادى، - دەپ حابارلايدى Kaz.tengritravel.kz ءتىلشىسى ريا نوۆوستيگە سىلتەمە جاساپ.

مۇنداي شەشىمدى قالالىق اكىمدىك جەرگىلىكتى تۇرعىندارمەن جۇرگىزىلگەن ساۋالنامالار مەن كەڭەستەردەن كەيىن شىعاردى. مىسالى، پاريجدىكتەردىڭ 82 پايىزى ساڭىراۋقۇلاق ءتارىزدى ورىندىقتاردى «ەستەتيكالىق ەمەس» دەپ اتادى.

سونىمەن قاتار، ەندى سەنا جاعالاۋىنداعى ەسكى بەتون ورىندىقتار بولمايدى: ولاردىڭ ورنىنا «جاڭا پاريج ەستەتيكاسىنىڭ» رۋحىنا سايكەس كەلەتىن زاماناۋي ديزاينى بار جاڭا ورىندىقتار قويىلادى.

فرانسيا استاناسىنىڭ كوشەلەرىنەن بارلىعى 800 مىڭنان استام «ۇسقىنسىز» ەلەمەنتتەر الىنىپ تاستالادى.