جامبىل وبلىسىنداعى جارىلىس: ءى ءى م تەرگەۋدىڭ قالاي ءجۇرىپ جاتقانىن ايتتى
«جامبىل وبلىسىندا بولعان اسكەري ءبولىم اۋماعىنداعى جارىلىستار فاكتىسى بويىنشا تولىق جانە وبەكتيۆتى تەكسەرۋ ماقساتىندا ءى ءى م ورتالىق اپپاراتىنىڭ تاجىريبەلى قىزمەتكەرلەرى قاتارىنان جەدەل-تەرگەۋ توبى قۇرىلدى. تەرگەۋ قىلمىستىق كودەكسىنىڭ 462-بابىنىڭ 3-بولىگى (ەكى جانە ودان دا كوپ ادامنىڭ ولىمىنە اكەپ سوققان وق-دارىلەرمەن جانە جارىلعىش زاتتارمەن جۇمىس ىستەۋ قاعيدالارىن بۇزۋ) بويىنشا جۇرگىزىلەدى»، - دەدى ق ر ىشكى ىستەر مينيسترلىگىنىڭ رەسمي وكىلى ءنۇردىلدا وراز قر ءىىم ۇيىمداستىرعان اپتالىق بريفينگتە.
ونىڭ ايتۋىنشا، شۇعىل تەرگەۋ ءىس- شارالارى، ونىڭ ىشىندە جابىرلەنۋشىلەر مەن كۋاگەرلەردەن جاۋاپ الۋ، سونداي-اق زالالدى انىقتاۋ ءۇشىن بۇلىنگەن وبەكتىلەردى تەكسەرۋ جۇرگىزىلەدى. ءتيىستى سوت ساراپتامالارى تاعايىندالدى.
«وقيعا ورنىندا ساپەرلەر بريگاداسى، قىزمەتتىك- ىزدەستىرۋ يتتەرى بار كينولوگتاردى تارتا وتىرىپ، ىزدەستىرۋ جۇمىستارى جۇرگىزىلۋدە. قازىرگى ۋاقىتتا 15 اسكەري قىزمەتشى مەن قۇتقارۋشىنىڭ دەنەسى تابىلدى.
ەسكە سالا كەتەيىك، قوعامدىق ءتارتىپتى ساقتاۋ جانە وقيعانىڭ سالدارىن جويۋ ءۇشىن 800 دەن استام پوليتسيا قىزمەتكەرى مەن ۇلتتىق ۇلان ساربازدارى، 113 ارنايى تەحنيكا، ونىڭ ىشىندە 54 ى پوليتسيا دەپارتامەنتىنەن جانە 59 ى باسقا مەملەكەتتىك ورگانداردان جۇمىلدىرىلدى. پوليتسيا توتەنشە جاعداي ورنىنا كىرۋ جولدارىن، سونىڭ ىشىندە تەمىرجول جولدارىن ۋاقىتشا جاۋىپ، وقيعا ورنىنا مەديتسينالىق جەدەل- جاردەم بريگادالارىن الىپ ءجۇرۋ ۇيىمداستىرىلدى»، - دەيدى رەسمي وكىل.
توتەنشە جاعداي اۋدانىنا جاقىن ورنالاسقان قاينار، جىبەك جولى، ءۇشبۇلاق ەلدى مەكەندەرىنەن 700 دەن استام ادام قاۋىپسىز جەرگە كوشىرىلدى، پويىزدىڭ 2350 جولاۋشىسىن اۆتوبۋستارمەن الىپ ءجۇرۋ ۇيىمداستىرىلدى، حالىققا ءتۇسىندىرۋ جۇمىستارى جۇرگىزىلدى.
«بايزاق اۋىلىنداعى №4-ليتسەي مەكتەبىندە جەرگىلىكتى اتقارۋشى، قۇقىق قورعاۋ جانە باسقا دا مەملەكەتتىك ورگانداردىڭ قاتىسۋىمەن جەدەل شتاب قۇرىلدى. قوعامدىق ءتارتىپتى ساقتاۋ ءۇشىن ۇلتتىق ۇلاننىڭ اسكەري قىزمەتشىلەرى مەن پوليتسيا قىزمەتكەرلەرى تاۋلىك بويى پاترۋلدەۋ جۇرگىزەدى. تج ورنىنداعى جەدەل جاعداي تۇراقتى جانە قۇقىق قورعاۋ ورگاندارىنىڭ باقىلاۋىندا»، - دەدى ن. وراز.
