يۋنەسكو اۋعانستانداعى مادەني مۇرانى ساقتاپ قالۋعا ۇندەدى

نۇر- سۇلتان. قازاقپارات - يۋنەسكو- دا اۋعانستانداعى وقيعالاردى مۇقيات باقىلاپ، ەلدىڭ باي مادەني مۇراسىن ساقتاپ قالۋ ءۇشىن قولدان كەلەر بارلىق ارەكەتتەر جاسالۋدا

بۇل تۋرالى قازاقپارات ب ۇ ۇ جاڭالىقتارى سايتىنا سىلتەمە جاساپ حابارلايدى.

ايتا كەتسەك، 20 جىل بۇرىن، ياعني 2001 -جىلدىڭ اقپان ايىندا تالىبتەر اۋعانستاننىڭ ورتالىق بولىگىندەگى باميان اڭعارىنداعى بۋددانىڭ ەكى الىپ ءمۇسىنىن جارىپ جىبەرگەن بولاتىن. تالىبتەر بۇل مۇسىندەردى «پۇتقا تابىنۋ» نىساندارى دەپ اتادى. ءبىزدىڭ ءداۋىرىمىزدىڭ VI عاسىرىندا تاسقا ويىپ جازىلعان باميان مۇسىندەرى يۋنەسكو- نىڭ دۇنيەجۇزىلىك مۇراسى تىزىمىنە ەنگىزىلگەن ەدى.

ۇيىمنىڭ باس ديرەكتورى ودرە ازۋلە اۋعانستانداعى مادەني مۇرانى ساقتاۋ سالاسىندا جۇمىس ىستەيتىن مامانداردىڭ قاۋىپسىزدىك جاعدايىن قۇرۋ قاجەتتىلىگىن اتاپ ءوتتى. ول مادەني ەسكەرتكىشتەردى ساقتاپ قالۋعا ارەكەتتەنىپ جۇرگەن ماماندار اۋعانستاننىڭ ۇلتتىق بىرلىگى مەن الەۋمەتتىك قۇرىلىمىن قولداۋدا ماڭىزدى ءرول اتقاراتىنىن ايتتى.

ايتا كەتەيىك، اۋعانستاندا ەجەلگى گەرات، مينارەت قالاسى، دجەمدەگى ارحەولوگيالىق قازبالار، باميان اڭعارىندانى مادەني لاندشافت، سونداي- اق كابۋلداعى ۇلتتىق مۇراجاي سياقتى مادەني باي نىساندار بار.