نۇر- سۇلتاندا تاعى ەكى پروبلەمالى قۇرىلىس اياقتالدى
بۇل - «شىعىس 3ب» جانە «كۋرشاۆەل» تۇرعىن ءۇي كەشەندەرى (ت ك). مىسالى جوسىقسىز قۇرىلىس سالۋشىدان پروبلەمالىق نىساندى العان ساتتە «شىعىس 3ب» ت ك- دە وبەكتىنىڭ ءبىرىنشى ءۇيىنىڭ قاڭقاسى %50 دەڭگەيىندە عانا سالىنعان.
«شىعىس 3ب» تك قۇرىلىس جۇمىستارى باستالعانعا دەيىن وبەكتىنى قۇرىلىسقا دايىنداۋ بويىنشا ءبىرقاتار ءىس- شارا وتكىزىلدى. بىرىنشىدەن، وبەكتىگە تەحنيكالىق اۋديت جۇرگىزىلدى، تىرەك كونسترۋكسيالارىنىڭ جارامدىلىعىنا تەحنيكالىق تەكسەرۋ جۇرگىزىلدى. تەحنيكالىق جاي- كۇيىن باعالاۋدى جانە ساراپتامالىق ۇسىنىمداردى العاننان كەيىن وبەكتىنىڭ قۇرىلىسى قايتا باستالدى. بۇل تۇرعىن ءۇي كەشەنىندە 6 جىل بويى 120دان استام وتباسى ءوز پاتەرىن كۇتىپ ءجۇردى. شىعىس توبىنىڭ كوپپاتەرلى تۇرعىن ءۇي كەشەنىنىڭ وزگە بلوكتارى بويىنشا دا جۇمىستار جۇرگىزىلۋدە.
«كۋرشاۆەل» ۇزاق قۇرىلىسىنىڭ قۇرىلىس جۇمىستارى 2020 -جىلدىڭ قاراشا ايىندا قايتا باستالدى. ول كەزدە نىسان تەك %40 عا عانا سالىنعان، ال سىرتقى ينجەنەرلىك جەلىلەرى ءتىپتى بولماعان. وسىلايشا، ءبىرىنشى كەزەكتە مەملەكەتتىك ساراپتامادان ءوتۋ بويىنشا جۇمىستار ورىندالدى.
كونستيتۋتسيا كۇنى «كۋرشاۆەل» تۇرعىن ءۇي كەشەنىنىڭ 135 ۇلەسكەرى ءوز پاتەرىنىڭ كىلتىن الا باستادى. ۇزاق قۇرىلىستاردىڭ اۋماعىن اباتتاندىرۋ بويىنشا جۇمىستار جۇرگىزىلەدى، ۇلەسكەرلەرگە باسپانا كىلتىن تاپسىرۋ ءراسىمى وتەدى. ەكى پروبلەمالى نىسان بويىنشا اۋقىمدى قۇرىلىس جۇمىستارى جۇرگىزىلدى.
ەلوردادا 2019 -جىلدىڭ جازىندا 52 ۇلەستىك قۇرىلىس نىسانى بولدى. مەملەكەت باسشىسىنىڭ تاپسىرماسى بويىنشا ۇزاق قۇرىلىس جۇمىستارىن اياقتاۋ بويىنشا جۇيەلى جۇمىستار جۇرگىزىلۋدە. 2019 -جىلدىڭ جارتى جىلدىعىندا قۇرىلىسى ۇزاققا سوزىلعان 10 نىسان سالىنىپ، پايدالانۋعا بەرىلدى. بۇل - 13 كوپپاتەرلى تۇرعىن ءۇي كەشەنى. ال 2020 -جىلى 14 نىساننىڭ قۇرىلىسى اياقتالدى، بۇل - 20 كەشەن.
بيىل ەلوردا كۇنىنە وراي تاعى 21 تۇرعىن ءۇيدىڭ قۇرىلىسى اياقتالدى. 2021 -جىلى بارلىعى 57 پروبلەمالى كوپپاتەرلى تۇرعىن ءۇي كەشەنىنىڭ قۇرىلىسىن اياقتاۋ جوسپارلانىپ وتىر. وسىلايشا 7 مىڭنان استام ۇلەسكەر كوپتەن كۇتكەن پاتەرىنە يە بولادى.
