مەكسيكادا نورا داۋىلى سۋ تاسقىنىنا ۇلاستى

نۇر-سۇلتان.قازاقپارات -مەكسيكانىڭ ورتالىق- باتىس بولىگىنە نورا داۋىلى سوعىپ، كوپ ەلدى مەكەندى سۋ باسىپ جاتىر.

ساعاتىنا 110 شاقىرىم جىلدامدىقپەن ۇيىتقىعان جەل تالدار مەن ەلەكتر باعانالارىن قۇلاتىپ، ءبىرقاتار ءوڭىر جارىقسىز قالعان. كەي جەرلەردە وزەندەر تاسىپ، كوپىرلەردى سۋ شايىپ كەتكەن. پۋەرتو- ۆاليارتا كۋرورتىندا تاسقىن شاعىن قوناق ءۇيدى قيراتىپ، 13 جاسار بالا جوعالىپ كەتتى. وزگە جاپا شەككەندەر تۋرالى اقپارات جوق. قازىر داۋىلدىڭ ەكپىنى سايابىرلاپ، اپاتتىڭ سالدارىمەن كۇرەس ءجۇرىپ جاتىر.

www.24.kz