قۋاتتى داۋىلدان ا ق ش- تا ميلليونداعان ادام جارىقسىز قالدى
اتلانت مۇحيتىندا قالىپتاسقان «يدا» داۋىلى امەريكانىڭ لۋيزيانا شتاتىنىڭ جاعالاۋىنا جەتتى. ميلليونداعان ادام جارىقسىز قالدى، سونىڭ ىشىندە شتاتتىڭ ءىرى قالالارىنىڭ ءبىرى جاڭا ورلەان دا بار. Entergy ەنەرگەتيكالىق كومپانياسىنىڭ مالىمەتىنشە، جارىق ەلەكتر جەلىلەرىنىڭ «قاتتى زاقىمدانعانىنان» ءسونىپ قالعان.
داۋىلعا بەس بالدىق ولشەمنىڭ ءتورتىنشى دەڭگەيى بەرىلدى، جەلدىڭ جىلدامدىعى 240 ك م/س. داۋىلدىڭ العاشقى قۇربانى تۋرالى دا بەلگىلى بولدى. ەر ادامدى اعاش قۇلاپ، باسىپ قالعان. شتات بيلىگى قاۋىپ ءتونىپ تۇرعان ادامداردى ەۆاكۋاتسيالاپ جاتىر جانە «كاترينا» جويقىن داۋىلىنان كەيىن ايتارلىقتاي نىعايتىلعان بەكەت بۇل جولى دا تابيعي اپاتقا توسقاۋىل بولا الادى دەپ ۇمىتتەنۋدە.
2005 -جىلدىڭ 29-تامىزىندا «كاترينا» سالدارىنان بولعان سۋ تاسقىنى جاڭا ورلەون قالاسىنىڭ %80 اۋماعىن باسىپ قالعان بولاتىن. وندا 1,8 مىڭ ادام قازا تاپتى.
