12:59, 29 - تامىز 2021 | GMT +5
پاراليمپيادا: قازاقستاندىق دزيۋدوشى زارينا بايباتينا فينالعا شىقتى
نۇر-سۇلتان. قازاقپارات - توكيودا ءوتىپ جاتقان پاراليمپيادا ويىندارىندا قازاقستاندىق دزيۋدوشى زارينا بايباتينا فينالعا شىقتى، دەپ حابارلايدى قازاقپارات ءتىلشىسى.
قازاقستاندىق دزيۋدوشى 70 كەلىدەن استام سالماقتا سوڭعى سىندا ازەربايجاندىق دۋرساداف كاريموۆامەن تاتاميگە شىعىپ، التىن جۇلدە ءۇشىن تالاسادى. زارينا جارتىلاي فينالدا يتاليالىق كارولينا كوستامەن بەلدەستى.
بۇل كەزدەسۋدە ول قارسىلاسىن يپپون ادىسىمەن تازا جەڭدى. ءسويتىپ ول قازاقستان قورجىنىنا تاعى ءبىر مەدالدى سالدى.
ەسكە سالا كەتەيىك، بۇدان بۇرىن قازاقستاندىق دزيۋدوشى ءانۋار ساريەۆتىڭ كۇمىس جۇلدەگەر اتانعانىن جازعان بولاتىنبىز. سونداي-اق تەمىرجان داۋلەت كۇمىس مەدال الدى. ودان بۇرىن داۆيد دەگتياريەۆ پاۋەرليفتينگتەن التىن جۇلدەنى جەڭىپ العان بولاتىن. وسىلايشا قازاقستان پاراليمپيادا تاريحىندا قازىردىڭ وزىندە ۇزدىك كورسەتكىشىنە قول جەتكىزىپ وتىر.
