جاڭا قاۋلى: ەلوردادا بيىلعى وقۋ جىلى قانداي تارتىپپەن باستالادى؟

نۇر-سۇلتان. قازاقپارات - نۇر-سۇلتان قالاسىنىڭ باس سانيتار دارىگەرىنىڭ جاڭا قاۋلىسى بويىنشا جاڭا وقۋ جىلىنداعى ءبىلىم بەرۋ ءتارتىبى بەلگىلەندى، دەپ حابارلايدى قازاقپارات ءتىلشىسى.

«ق ر باس سانيتار دارىگەرىنىڭ 36№ قاۋلىسى بويىنشا 2021-2022 وقۋ جىلىندا بارلىق مەنشىك نىسانىنداعى جانە ۆەدومستۆولىق باعىنىستاعى ءبىلىم بەرۋ ۇيىمدارىندا مىناداي شارتتاردىڭ ساقتالۋىمەن شتاتتىق فورماتتا وقىتۋعا رۇقسات ەتىلسىن»، - دەپ جازىلعان قۇجات ماتىنىندە.

ول ءۇشىن:

- پەداگوگتەر مەن پەرسونالدىڭ %100 ۆاكتسينالانۋى؛

- پەداگوگتەردى، پەرسونالدى، اتا-انالاردى (زاڭدى وكىلدەردى)، 18 جانە ودان جوعارى جاستاعى ءبىلىم الاتىن كەلۋشىلەردى ۇيىمعا كىرۋ كەزىندە «Ashyq» قوسىمشاسى ارقىلى (QR- كود (check-in) تىركەۋ؛

- ماسكا رەجيمىن ساقتاۋ؛

- رەتسيركۋلياتورلاردىڭ، سانيتايزەرلەردىڭ، تەرى انتيسەپتيكتەرىنىڭ، دەزينفەكتسيالاۋ جانە جۋۋ قۇرالدارىنىڭ جەتكىلىكتى سانىمەن قامتاماسىز ەتۋ؛

- ءۇي-جايلاردى جيناۋ جانە دەزينفەكتسيالاۋ جيىلىگىن ارتتىرۋ؛

- ءۇي-جايلاردى ىلعالدى جيناۋ جانە دەزينفەكسيالاۋ، ءۇي-جايلاردىڭ اۋاسىن جەلدەتۋ جانە زارارسىزداندىرۋ رەجيمىنە قويىلاتىن تالاپتاردى ساقتاۋ؛

- پەداگوگتەردىڭ، پەرسونالدىڭ جانە ءبىلىم الۋشىلاردىڭ كۇندەلىكتى «كىرۋ» سۇزگىسىن قولدانۋى؛

- مادەني، تاربيە، سىنىپتان تىس شارالار مەن اتا-انالار جينالىستارىن وفلاين وتكىزۋگە تىيىم سالۋ؛

- مەكتەپكە دەيىنگى جانە ورتا ءبىلىم بەرۋ ۇيىمدارىندا توپتار مەن سىنىپتاردى بىرىكتىرە وتىرىپ ءىس-شارالار وتكىزۋگە تىيىم سالۋ؛

- زەرتحانالىق، پراكتيكالىق ساباقتاردى قوسپاعاندا، كابينەتتىك وقىتۋ جۇيەسىن بولدىرماۋ؛

- باستاۋىش، ورتا جانە جوعارى سىنىپ وقۋشىلارىن بولەك ۇستاۋ؛

- اسحاناداعى اۋا رەتسيركۋلياتورلارىنىڭ قوندىرعىلارىن قامتاماسىز ەتە وتىرىپ، تاماقتانۋدى ۇيىمداستىرۋ؛

- بوگدە ادامداردىڭ كىرۋىنە تىيىم سالا وتىرىپ، COVID-19 عا قارسى ۆاكسينا العان ستۋدەنتتەردى جاتاقحاناعا ورنالاستىرۋ؛

- وقۋ ورنى بويىنشا اۋماقتىق مەديتسينالىق ۇيىمداردىڭ ەگۋ پۋنكتتەرىندە COVID-19-عا قارسى ۆاكسينالاۋدىڭ تولىق كۋرسىن اياقتاماعان ستۋدەنتتەرگە ۆاكسيناتسيا جۇرگىزۋ؛

- شەتەلدىك ستۋدەنتتەردە تۇرعىلىقتى ەلدىڭ ۋاكىلەتتى ورگانىمەن راستالعان COVID-19-عا قارسى ۆاكسيناتسيالاۋدىڭ تولىق كۋرسى بولۋى؛

- ق ر مەملەكەتتىك شەكاراسىنان وتكەننەن كەيىن 3 تاۋلىكتەن كەشىكتىرمەي پ ت ر ادىسىمەن الىنعان COVID-19-عا تەستىلەۋدىڭ تەرىس ناتيجەسى بار بولعان جاعدايدا كۇندىزگى وقۋ فورماتىنا جىبەرۋ؛

- مەديتسينالىق كوللەدجدەر مەن جوعارى وقۋ ورىندارىنىڭ ءبىلىم الۋشىلارىنا كلينيكالىق بازالارعا، رەزيدەنتۋرا بازالارىنا، دەنساۋلىق ساقتاۋ سالاسىنداعى ءبىلىم بەرۋ ۇيىمدارىنىڭ كلينيكالارىنا، ۋنيۆەرسيتەت اۋرۋحاناسىنا، ينتەگراتسيالانعان اكادەميالىق مەديتسينالىق ورتالىققا ۆاكسيناتسيالاۋ پاسپورتىمەن راستالعان COVID-19-عا قارسى ۆاكسيناتسيالاۋدىڭ تولىق كۋرسى بار بولعان كەزدە كىرۋىنە رۇقسات ەتۋ؛

- پەداگوگتەرگە، پەرسونالعا، اتا-انالارعا (زاڭدى وكىلدەرگە)، كەلۋشىلەرگە، ستۋدەنتتەرگە مەكتەپكە دەيىنگى جانە ورتا ءبىلىم بەرۋ ۇيىمدارىنا، كوللەدجدەرگە، ينتەرناتتار مەن جاتاقحانالاردى، اسحانالار مەن بۋفەتتەردى قوسا العاندا جوعارى وقۋ ورىندارىنا Ashyq قوسىمشاسى ارقىلى كىرۋ كەرەك.

«كارانتين ەنگىزۋگە سارالانعان ءتاسىل اياسىندا سىنىپتا (توپتا) COVID-19 اۋرۋىنىڭ 1 جاعدايى تىركەلگەن كەزدە- سىنىپ (توپ) 14 كۇن ىشىندە ءۇي كارانتينىنە وقشاۋلاۋعا جاتادى.

كوللەدجدەردە، جوعارى وقۋ ورىندارىندا توپتىڭ %30 دان استامىندا COVID-19 تىركەلگەن كەزدە اعىن 14 كۇن ىشىندە ءۇي كارانتينىنە وقشاۋلانۋعا جاتادى، - دەپ جازىلعان قاۋلىدا.

سونداي-اق، مەكتەپكە دەيىنگى ۇيىمداردىڭ جۇمىس كەستەسى مەنشىك نىسانىنا قاراماستان، كارانتيندىك شارالاردى قاتاڭ ساقتاي وتىرىپ، جۇمىس كۇندەرى ساعات 07:30-دان 18:30-عا دەيىن دەپ بەلگىلەندى.

ال بالالاردى دامىتۋ ورتالىقتارىنىڭ، بالالار مەن ەرەسەكتەرگە ارنالعان ۇيىرمەلەردىڭ، ءبىلىم بەرۋ ورتالىقتارىنىڭ جۇمىس كەستەسى سانيتاريالىق-پروفيلاكتيكالىق ءىس-شارالاردى ساقتاۋ ارقىلى جۇمىس جانە دەمالىس كۇندەرى ساعات 09:00-دەن 18:00-گە دەيىن بولىپ بەلگىلەندى.

بالالار مەن ەرەسەكتەرگە ارنالعان تۇزەتۋ كابينەتتەرىنىڭ جۇمىسى الدىن الا جازىلۋ بويىنشا، 15 ادامنان ارتىق ەمەس، كۇشەيتىلگەن سانيتاريالىق-ەپيدەمياعا قارسى، سانيتاريالىق-پروفيلاكتيكالىق ءىس-شارالاردى ساقتاي وتىرىپ، جۇمىس جانە دەمالىس كۇندەرى ساعات 09:00-دەن 18:00-گە ۇيىمداستىرا الاتىن بولدى.