نۇر-سۇلتان قالاسى باس سانيتار دارىگەرىنىڭ جاڭا قاۋلىسى شىقتى

نۇر-سۇلتان. قازاقپارات - نۇر-سۇلتان قالاسىنىڭ باس سانيتار دارىگەرىنىڭ جاڭا قاۋلىسى بويىنشا تۇرعىندار مەن قالا قوناقتارىنا بۇقارالىق ءىس-شارالارعا قاتىسۋعا تىيىم سالىندى، دەپ حابارلايدى قازاقپارات ءتىلشىسى.

«نۇر-سۇلتان قالاسىنىڭ تۇرعىندارى مەن قوناقتارى كەلەسى تالاپتاردى قاتاڭ ساقتاۋى كەرەك:

- بۇقارالىق ءىس-شارالارعا، مارافوندار، سپورتتىق شارالارعا، بانكەت، ۇيلەنۋ تويى، مەرەيتوي، ەسكە الۋ سياقتى وتباسىلىق، ەسكە الۋ ءىس-شارالاردى ۇيدە وتكىزۋگە جانە ولارعا قاتىسۋعا، سونداي-اق ميتينگىلەر، شەرۋلەر، جيىندار جانە ت. ب. ۇيىمداستىرۋعا جانە قاتىسۋعا تىيىم سالىنسىن»، - دەپ جازىلعان قۇجاتتا.

قاۋلى بويىنشا Ashyq جوباسىنا قاتىساتىن وبەكتىلەردە ەسكە الۋدى وتكىزۋگە رۇقسات ەتىلەتىنى دە ايتىلعان. سونداي-اق، Ashyq جوباسىنا قاتىسپايتىن بوۋلينگ-ورتالىقتارعا، كومپيۋتەرلىك كلۋبتارعا، PlayStation كلۋبتارىنا، بيلياردقا، كاراوكەگە، باتۋتتارعا، تۇنگى كلۋبتارعا، بۋكمەكەرلىك كەڭسەلەرگە جانە ويىن كلۋبتارىنا، ونىڭ ىشىندە لوتەرەيا ۇتىس ويىنى، جابىق ءۇي-جايلارداعى بالالاردىڭ ويىن-ساۋىق ورتالىقتارىنا، بالالاردىڭ ويىن بولمەلەرىنە، ويىن الاڭدارى مەن اتتراكتسيوندارعا، سپورتتىق وبەكتىلەردە ورنالاسقانداردان مۇزدى جانە روليكتى سىرعاناقتارعا بارۋعا رۇقسات ەتىلمەيدى.

وسى قاۋلى 2021-جىلعى 28- تامىزدا ساعات 00:00 دەن باستاپ كۇشىنە ەنەدى.