پرەزيدەنت رومان سكلياردى جامبىل وبلىسىنا جىبەردى
بۇل تۋرالى پرەزيدەنتتىڭ باسپا ءسوز حاتشىسى بەرىك ءۋالي Facebook-تەگى پاراقشاسىندا جازدى.
«ءبىرىنشى. توتەنشە جاعدايدىڭ سالدارىن جويۋ ءۇشىن ۆەدومستۆوارالىق مەملەكەتتىك كوميسسيا قۇرىلسىن. وعان پرەمەر-ءمينيستردىڭ ورىنباسارى رومان ۆاسيليەۆيچ سكليار باسشىلىق ەتسىن. رومان ۆاسيليەۆيچ، سىزگە قازىر جينالىس اياقتالعان سوڭ جامبىل وڭىرىنە شۇعىل بارۋدى تاپسىرامىن. جۇمىستىڭ باسى-قاسىندا بولىپ، بارلىق شارالاردى وقيعا ورنىنان ۇيىمداستىرىڭىز. ەكىنشى. قازا بولعان ازاماتتاردىڭ وتباسىن الەۋمەتتىك قورعاۋ جانە زارداپ شەككەن تۇرعىندارعا كومەك كورسەتۋ ءۇشىن بارلىق قاجەتتى شارالار قابىلدانسىن. ءۇشىنشى. دەنساۋلىق ساقتاۋ مينيسترلىگى توتەنشە وقيعا سالدارىنان جاراقات العان ازاماتتارعا جان-جاقتى مەديتسينالىق كومەك كورسەتۋدى ۇيىمداستىرسىن»، - دەدى قاسىم-جومارت توقايەۆ.
ايتا كەتەيىك، 26- تامىز كۇنى ساعات 19:00 دە جامبىل وبلىسىنىڭ بايزاق اۋدانىندا ورنالاسقان اسكەري ءبولىم قويمالارىنىڭ بىرىنەن ءورت شىعىپ، جارىلىس بولدى.
