الەۋمەتتىك تولەمدى پرواكتيۆتى فورماتتا العىسى كەلەتىندەر سانى ءوستى
شىلدە ايىنىڭ ورتاسىنان باستاپ «جۇمىسىنان ايىرىلعان جاعدايدا تولەنەتىن الەۋمەتتىك تولەمدى تاعايىنداۋ» پرواكتيۆتى مەملەكەتتىك قىزمەتى جەڭىلدەتىلگەن فورماتتا ىسكە قوسىلدى. سونىڭ ارقاسىندا ءبىر اي ىشىندە پرواكتيۆتى فورماتتا قىزمەت الۋعا كەلىسكەن ادامداردىڭ سانى %18 دان %29 عا دەيىن ءوستى. بۇرىن قىزمەت الۋشىلارمەن SMS ديالوگ كەزىندە ەكى SMS حابارلاماعا جاۋاپ بەرۋ قاجەت بولاتىن، ءبىرىنشىسى قىزمەتتى الۋعا كەلىسىم بولعان. مەملەكەتتىك قىزمەتتەردى پرواكتيۆتى تۇردە العان ادامداردىڭ سانىن ارتتىرۋ ءۇشىن كورسەتىلەتىن قىزمەتتى الۋشىمەن ديالوگ كەزىندە SMS سانىن ەكىدەن بىرەۋگە دەيىن قىسقارتۋ تۋرالى شەشىم قابىلداندى.
ەندى ءبىر SMS حابارلاماداعى سۇراۋ سالۋعا جاۋاپ بەرۋ ارقىلى كورسەتىلەتىن قىزمەتتى الۋشى پرواكتيۆتى فورماتتا مەملەكەتتىك قىزمەت كورسەتۋگە اۆتوماتتى كەلىسىم بولىپ تابىلاتىن قىزمەت كورسەتۋ بانكىن تاڭداۋدى راستايدى.
ەستەرىڭىزگە سالا كەتەيىك، ق ر ەڭبەك جانە حالىقتى الەۋمەتتىك قورعاۋ مينيسترلىگى پرواكتيۆتى تۇردە مەملەكەتتىك قىزمەتتەر كورسەتۋ پروتسەسىنە رەينجينيرينگ جۇرگىزىپ جاتىر. ماۋسىم ايىندا «بالا تۋۋعا بايلانىستى جانە ءبىر جاسقا دەيىنگى بالانىڭ كۇتىمى بويىنشا جاردەماقىلار تاعايىنداۋ» مەملەكەتتىك قىزمەتى جەڭىلدەتىلگەن فورماتتا ىسكە قوسىلدى، بۇل پرواكتيۆتى تۇردە تاعايىندالعان تولەمدەر سانىن %10 دان %37 عا دەيىن ارتتىردى.
جىل سوڭىنا دەيىن بۇل كورسەتكىشتى %50 عا دەيىن جەتكىزۋ جوسپارلانىپ وتىر. سونداي-اق، جىل سوڭىنا دەيىن ءبىرقاتار پرواكتيۆتى قىزمەتتەردى وڭتايلاندىرۋ جوسپارلانۋدا، ولار:
- اسىراۋشىسىنان ايىرىلعان جاعدايدا تولەنەتىن الەۋمەتتىك تولەمدى تاعايىنداۋ؛
- اسىراۋشىسىنان ايرىلۋ بويىنشا مەملەكەتتىك الەۋمەتتىك جاردەماقى تاعايىنداۋ؛
- ەڭبەك ەتۋ قابىلەتىنەن ايىرىلۋ جاعدايىنا الەۋمەتتىك تولەم تاعايىنداۋ؛
- مۇگەدەكتىگى بويىنشا مەملەكەتتىك الەۋمەتتىك جاردەماقى تاعايىنداۋ؛
- «التىن القا»، «كۇمىس القا» القالارىمەن ناگرادتالعان نەمەسە بۇرىن «باتىر انا» اتاعىن العان، «انا داڭقى» وردەندەرىمەن ناگرادتالعان كوپبالالى انالارعا مەملەكەتتىك جاردەماقى تاعايىنداۋ قىزمەتتەرى.
