01:12, 27 - تامىز 2021 | GMT +5
قورعانىس، ت ج م جانە قورعانىس ۆەدومستۆوسىنىڭ كوميسسياسى مىنگەن ۇشاق جامبىل وبلىسىنا ۇشىپ كەلدى
نۇر-سۇلتان. قازاقپارات - قورعانىس ءمينيسترى، توتەنشە جاعدايلار ءمينيسترى جانە قورعانىس ۆەدومستۆوسىنىڭ كوميسسياسى مىنگەن ۇشاق جامبىل وبلىسىنا ۇشىپ كەلدى، دەپ حابارلايدى قازاقپارات ق ر قورعانىس مينيسترلىگىنىڭ باسپا ءسوز قىزمەتىنە سىلتەمە جاساپ.
لاۋازىمدى تۇلعالار وقيعا ورنىنا شىقتى. ينجەنەرلىك وق-دارىلەردىڭ جانىپ جاتقانىن ءورتتىڭ ديناميكاسىنان بايقاۋعا بولادى. ينجەنەرلىك وق-دارىلەر قويماسىندا جالعاسىپ جاتقان ءورت سول جەردە ساقتالعان تروتيلدىڭ جانۋىنان تۋىنداۋى مۇمكىن. اسپانداعى ءتۇتىن ىزدەرى قويمادا ساقتالعان سيگنالدىق پاترونداردىڭ ورتەنۋىنە بايلانىستى بولۋى دا ىقتيمال.
«ارىس قالاسىنداعى ءورت سالدارىن جويعاننان كەيىن اتالعان قويماعا ينجەنەرلىك وق-دارىلەردىڭ ءبىر بولىگى اپارىلعانىن ايتا كەتكەن ءجون. بۇل قويمادا الىسقا ۇشىپ جارىلاتىن سناريادتار جوق»، - دەلىنگەن قورعانىس ۆەدومستۆوسىنىڭ حابارلاماسىندا.
ايتا كەتەيىك، كەشە ساعات شامامەن 19:00 دە جامبىل وبلىسىنىڭ بايزاق اۋدانىندا ورنالاسقان اسكەري ءبولىم قويمالارىنىڭ بىرىنەن ءورت شىعىپ، جارىلىس بولدى.
