مۇحتار تىلەۋبەردى شۆەيتساريا فەدەرالدىق جينالىسى ۇلتتىق كەڭەسىنىڭ توراعاسىمەن كەزدەستى
تاراپتار COVID-19 پاندەمياسىنا قاراماستان، قازاقستان مەن شۆەيتساريا ەكىجاقتى كۇن ءتارتىبىنىڭ بارلىق سپەكترى بويىنشا بەلسەندى ءوزارا ءىس-قيمىلدى جالعاستىرىپ جاتقانىن قاناعاتتانۋشىلىقپەن اتاپ ءوتتى.
جوعارى دەڭگەيدەگى ساياسي ديالوگ ورناتىلعان: مەملەكەت باسشىلارىنىڭ مامىر ايىنىڭ سوڭىندا بەينەكونفەرەنسيا فورماتىنداعى كەلىسسوزدەرى، ق ر پرەزيدەنتى ق. توقايەۆتىڭ شۆەيتسارياعا رەسمي ساپارى جوسپارلانۋدا.
شۆەيتساريا وكىلەتتى بيزنەس-دەلەگاتسياسىنىڭ 2021-جىلعى مامىرداعى قازاقستانعا ساپارىنىڭ قورىتىندىلارى جانە ىسكەرلىك كەڭەستىڭ قىزمەتى تالقىلاندى.
ەكىجاقتى ىنتىماقتاستىقتى نىعايتۋداعى پارلامەنتتىك ديپلوماتيانىڭ ماڭىزدىلىعى اتاپ ءوتىلدى.
تاراپتار «قازاقستان - شۆەيتساريا» پارلامەنتارالىق ىنتىماقتاستىق توبى اياسىندا ەكى ەل پارلامەنتشىلەرىنىڭ بەلسەندى ءوزارا ءىس-قيمىلىن قۇپتادى. شۆەيتساريا قازىرگى ۋاقىتتا قازاقستان ەكونوميكاسىنىڭ كولەمى بويىنشا ءۇشىنشى ينۆەستور، وندا بۇگىندە شۆەيتساريالىق كاپيتالدىڭ قاتىسۋىمەن 400 دەن استام كومپانيا جۇمىس ىستەيدى.
