گولوۆكيننىڭ سالماعىنداعى الەم چەمپيونىنىڭ باسى داۋعا قالىپ، قاماۋعا الىندى
دەرەككوزدىڭ اقپاراتى بويىنشا، چارلو سان-انتونيو (تەحاس شتاتى، ا ق ش) قالاسىنداعى بارلاردىڭ بىرىندە داياشىمەن جانجالداسىپ، قاماۋعا الىنعان. وقيعا 16- شىلدە كۇنى، دجەرماللدىڭ باۋىرى دجەرمەلل ATT Center ارەناسىندا برايان كاستانوعا قارسى كەزدەسۋ وتكىزۋگە ءبىر كۇن قالعان كەزدە بولعان.
پوليتسيا اقپاراتى بويىنشا، دجەرمالل Texas بارىندا كوڭىل كوتەرىپ جۇرگەن. داياشى بوكسشى مەن ونىڭ دوسىنا ەسەپشوت الىپ كەلگەن. چارلو نەسيە كارتاسىمەن قۇجاتىن بەرگەن. ءبىراق كارتا بۇعاتتالعان.
داياشى قىز قايتا كەلىپ، ەسەپتى باسقا ءادىس ارقىلى جابۋدى سۇراعان. سول كەزدە 31 جاستاعى چارلو اشۋلانىپ كەتكەن. پوليتسيانىڭ حابارىنا قاراعاندا، دجەرمالل اشۋلانىپ، داياشى مەن مەنەدجەرلەرگە داۋىس كوتەرگەن.
پولتسيا اقپاراتى بويىنشا، چارلونىڭ داياشىدان ەسەپشوت سالىنعان پاپكانى الىپ قويعان ۆيدەوسى دا بار. ولاردىڭ بىرىندە چارلونىڭ قۇجاتى بولعان. ەكىنشىسىندە باسقا ءبىر كىسىنىڭ ەسەپتى جاپقان اقشاسى تۇرعان. سودان كەيىن بوكسشى مەن دوستارى باردان كەتىپ قالعان. ارادا بىرنەشە ۋاقىت وتكەننەن سوڭ داياشى قىز جەڭىل جاراقات العانىن ايتىپ، پوليتسياعا حابارلاعان.
وسى جاعدايعا بايلانىستى چارلو قاماۋعا الىندى. بوكسشى سارسەنبى كۇنى تاڭەرتەڭ ءوزى پوليتسياعا كەلگەن.
Boxingscene.com پورتالى اقپاراتى بويىنشا، چارلو 5000 دوللار كەپىل بەرىپ، بوستاندىققا شىققان. ەندى ونىڭ ءىسى تەحاس شتاتىنىڭ سوتتارىنىڭ بىرىندە قارالادى.
