ارميالىق حالىقارالىق ويىنداردا قازاقستاننىڭ اسكەري تەڭىزشىلەرى الدا كەلەدى
نۇر-سۇلتان. قازاقپارات - ارميالىق حالىقارالىق ويىنداردىڭ «تەڭىز كۋبوگى» كونكۋرسىندا قازاقستاننىڭ اسكەري تەڭىزشىلەرى كورابلدى ساقتاپ قالۋ ءۇشىن ارەكەت ەتۋدە ءبىرىنشى ورىنعا يە بولدى، دەپ حابارلايدى قازاقپارات ق ر قورعانىس مينيسترلىگىنىڭ باسپا ءسوز قىزمەتىنە سىلتەمە جاساپ.
يران كورابلىنىڭ ەكيپاجى دا ءبىزدىڭ جاۋىنگەرلەرمەن تەڭ ءتۇستى.
«سۇڭقار اڭشىلىعى» كونكۋرسىنىڭ ءبىرىنشى كەزەڭى ءۇش جاتتىعۋىنىڭ قورىتىندىسى بويىنشا قازاقستان كومانداسى ۇزدىك ناتيجە كورسەتتى. ۇپاي سانى جاعىنان رەسەي دە ءبىزدىڭ كوماندامەن بىرگە ءبىرىنشى ورىندا تۇر.
ارمەنيادا ءوتىپ جاتقان «بەيبىتشىلىك جاۋىنگەرى» كونكۋرسىنا قاتىسۋشىلار «كاسىپقوي» كەزەڭىنىڭ ەكى جاتتىعۋىن ورىندادى. قازاقستان كومانداسىنىڭ وكىلى اعا سەرجانت دارحان اسلان بارلىعىن ارتتا قالدىرىپ، كەدەرگىلەر جولاعىنان 6 مينۋت 17 سەكۋندتا ءوتتى.
ءۇش جارىستىڭ قورىتىندىسى بويىنشا رەسەي كوش باستاپ تۇر، ەكىنشى ورىندا قازاقستان اسكەري قىزمەتشىلەرى كەلەدى.
«ەلبرۋس شەڭبەرى» كونكۋرسىندا ءبىرىنشى كەزەڭنىڭ قورىتىندىسى بويىنشا رەسەي كومانداسى ءبىرىنشى ورىندا، قازاقستان ەكىنشى ورىندا، ال ءۇشىنشى ورىن وزبەكستانعا بۇيىردى.
ءبىرىنشى كەزەڭ بارىسىندا قاتىسۋشىلار جاساندى تاۋ بەدەرىنە ورمەلەۋدەن باستاپ تاۋداعى كەدەرگىلەر جولاعىنان ءوتۋ جانە وق اتۋدى ورىنداۋ سياقتى بەس ءتۇرلى ارنايى تاپسىرمانى ورىندادى.
سونىمەن قاتار، ارميالىق حالىقارالىق ويىنداردىڭ باسقا كونكۋرستارى بويىنشا دا جارىستار جالعاسۋدا.
سايىس شارىقتاۋ شەگىنە جەتىپ، ءار كوماندانىڭ جەڭىسكە دەگەن ۇمتىلىسى ارتىپ كەلەدى.
