جاڭا قاۋلى: الماتىلىق ستۋدەنتتەرگە قويىلاتىن تالاپتار

الماتى. قازاقپارات - الماتىنىڭ باس سانيتار دارىگەرى جانداربەك بەكشين «ءبىلىم بەرۋ مەكەمەلەرىندەگى كوروناۆيرۋس ينفەكسياسىنىڭ تارالۋىنىڭ الدىن الۋ جونىندەگى تالاپتار تۋرالى» جاڭا قاۋلىعا قول قويدى، دەپ حابارلايدى قازاقپارات ءتىلشىسى.

قاۋلىعا سايكەس، بوگدە ادامداردىڭ كىرۋىنە تىيىم سالا وتىرىپ، COVID-19-عا قارسى ەكپە العان (18 جاسقا تولماعان، سونداي-اق تۇراقتى مەديتسينالىق قارسى كورسەتىلىمدەرى بار جانە سوڭعى 3 اي ىشىندە COVID-19-بەن اۋىرىپ جازىلعان) ستۋدەنتتەردى جاتاقحاناعا ورنالاستىرۋدى قامتاماسىز ەتۋ كەرەك. سونىمەن قاتار، وقۋ ورنى بويىنشا اۋماقتىق مەديتسينالىق ۇيىمداردىڭ ەگۋ پۋنكتتەرىندە (جىلجىمالى ەگۋ پۋنكتتەرىن نەمەسە كوشپەلى ەگۋ بريگادالارىن قوسا العاندا) COVID-19 عا قارسى ۆاكسيناتسيالاۋدىڭ تولىق كۋرسىن (ەكىنشى كومپونەنتپەن) اياقتاماعان ستۋدەنتتەرگە ۆاكسيناتسيا جۇرگىزۋدى ۇيىمداستىرۋ قاجەت.

شەتەلدىك ستۋدەنتتەر تومەندە كورسەتىلگەن تالاپتار ورىندالعان جاعدايدا كۇندىزگى وقۋ فورماتىنا جىبەرىلەدى:

- تۇراتىن ەلدىڭ ۋاكىلەتتى ورگانى بەكىتكەن ۆاكتسيناتسيالاۋ انىقتاماسىمەن/پاسپورتىمەن راستالعان COVID-19-عا قارسى ۆاكسيناتسيالاۋدىڭ تولىق كۋرسى؛

- قازاقستان رەسپۋبليكاسىنىڭ مەملەكەتتىك شەكاراسىنان وتكەننەن كەيىن 3 تاۋلىكتەن كەشىكتىرمەي الىنعان پ ت ر تەستىلەۋدىڭ تەرىس ناتيجەسى.

مەكتەپكە دەيىنگى جانە ورتا ءبىلىم بەرۋ ۇيىمدارىنا، كوللەدجدەرگە، جوعارى وقۋ ورىندارىنا، اسحانالار مەن بۋفەتتەرگە:

- رەسپيراتورلىق ينفەكسيا بەلگىلەرى بار ادامدارعا (جوتەل، مۇرىننىڭ بىتەلۋى، دەنە تەمپەراتۋراسى 37 گرادۋستان جوعارى)؛

- QR- كود بويىنشا تىركەۋ كەزىندە «سارى» جانە «قىزىل» مارتەبەسى بار ادامدارعا؛

- COVID-19 عا قارسى ۆاكسيناتسياسى جوق پەداگوگتار مەن پەرسونالعا (تۇراقتى مەديتسينالىق قارسى كورسەتىلىمدەرى بار، ساۋىققاننان كەيىن 3 اي ىشىندە اۋىرىپ جازىلعان ادامداردى قوسپاعاندا) كىرۋگە جول بەرىلمەيدى.