بيىل ەلوردادا قانداي سپورت نىساندارى اشىلدى

نۇر- سۇلتان. قازاقپارات - بيىل نۇر- سۇلتان قالاسىندا بىرنەشە سپورت نىساندارى اشىلدى. جاڭادان اشىلعان جانە سالىنىپ جاتقان سپورت كەشەندەرى تۋرالى قالالىق دەنە شىنىقتىرۋ جانە سپورت باسقارماسىنىڭ باسشىسى سامات ەرعاليەۆ ايتىپ بەردى، دەپ حابارلايدى قازاقپارات ءتىلشىسى.

«بيىل ەلوردا اكىمدىگىنىڭ تىكەلەي قولداۋىمەن «استانا ارەنا» سپورت كەشەنى جانىنان قالالىق جاۋىنگەرلىك ونەر جانە بوكس ورتالىعى اشىلدى. جانە قالانىڭ وڭ جاعالاۋىنداعى تۇرعىندارعا ىڭعايلى بولۋى ءۇشىن جيرەنتايەۆ كوشەسى بويىندا جەكپە- جەك ورتالىعىن اشتىق. سونىمەن قاتار تاۋەلسىزدىك سارايىندا كوركەم گيمناستيكا ورتالىعى ىسكە قوسىلدى. ودان بولەك، سارى ارقا ۆەلوترەگى جانىنان دزيۋدو ورتالىعى جۇمىس ىستەي باستادى. اشىلعان ورتالىقتار مەن زالدار زاماناۋي قۇرالدارمەن جابدىقتالعان»، - دەدى س. ەرعاليەۆ.

سونداي- اق، باسقارما باسشىسى قالا ماڭىنداعى ەلدى مەكەندەردە بىرنەشە سپورت كەشەنىنىڭ سالىنىپ جاتقانىن تىلگە تيەك ەتتى.

«قازىرگى تاڭدا 4 دەنە شىنىقتىرۋ- ساۋىقتىرۋ كەشەنىنىڭ قۇرىلىسى جۇرگىزىلىپ جاتىر. يلينكا، كوكتال-2، ءوندىرىس، جەلەزنودوروجنىي تۇرعىن الاپتارىندا سالىنىپ جاتقان سپورت كەشەندەرى بيىل جىل سوڭىنا دەيىن پايدالانۋعا بەرىلەدى»، - دەدى ول.

ودان بولەك، س. ەرعاليەۆ بيىل نۇر- سۇلتاندا «دەنە شىنىقتىرۋ جانە سپورت» ماماندىعىنا 50 قالا اكىمىنىڭ گرانتى بولىنەتىن جەتكىزدى.

ەسكە سالا كەتسەك، بۇعان دەيىن استانالىق بالالار مەن جاسوسپىرىمدەردىڭ سپورتپەن تەگىن تۇردە شۇعىلدانا الاتىندىعى حابارلانعان بولاتىن.

اۆتور: ءالي يبرايەۆ