الماتى وبلىسىندا ەكپە الۋشىلاردىڭ كوشىن كىمدەر باستاپ تۇر

تالدىقورعان. قازاقپارات - الماتى وبلىسىندا ەكپە الۋشىلاردىڭ كوشىن ۇستازدار قاۋىمى باستاپ تۇر، دەپ حابارلايدى قازاقپارات ءتىلشىسى.

ءوڭىر بويىنشا 39289 مۇعالىم ۆاكسينا سالدىرعان. ەكىنشى ورىندا مەديتسينا ماماندارى كەلە جاتىر. 23656 مەديتسينا قىزمەتكەرلەرى ەرىكتى تۇردە ەكپە العاندار ساناتىندا. ال، مەملەكەتتىك قىزمەتكەرلەرگە كەلەر بولساق، ىندەتكە قارسى ۆاكسينا العاندارىنىڭ سانى - 12253 ادام.

«بۇگىنگى تاڭدا كوروناۆيرۋس ينفەكسياسىنا قارسى ەكپەنىڭ ءبىرىنشى بولىگىن وڭىردەگى 653349 مىڭ ادام السا، ەكىنشى كومپونەنتىن 523781 تۇرعىن قابىلداپ ۇلگەردى. ۆاكسينا - كوروناۆيرۋستان قورعانۋدىڭ جالعىز جولى»، - دەلىنگەن وبلىستىق سانيتاريالىق- ەپيدەميولوگيالىق باقىلاۋ دەپارتامەنتىنىڭ باسپا ءسوز قىزمەتى تاراتقان حابارلامادا.

ۆەدومستۆونىڭ اقپاراتىنا سايكەس، الماتى وبلىسىندا ءبىر تاۋلىكتە 376 ادام ۆيرۋس جۇقتىردى. جالپى وڭىردە بۇگىنگى كۇنگە دەيىن كوروناۆيرۋستىڭ 41222 جاعدايى زەرتحانا سىناماسىمەن راستالعان. ونىڭ 28795 ى سيمپتومدى. قازىرگى كەزدە 100 مىڭ تۇرعىنعا شاققاندا ك ۆ ي سىرقاتتانۋشىلىق كورسەتكىشى - 1928,6.

سوڭعى تاۋلىكتە 376 ادامنان ۆيرۋس انىقتالدى. اۋرۋ ەڭ كوپ تارالعان ايماق قاتارىندا، ەسكەلدى، قاراتال، پانفيلوۆ، ۇيعىر، تالعار، كوكسۋ اۋداندارى مەن تەكەلى جانە تالدىقورعان قالالارى بار. ك ۆ ي انىقتالعان 376 جاعدايدىڭ 295 ى سيمپتومدى بولسا، 81 دە اۋرۋ بەلگىسى بايقالماعان. وبلىس بويىنشا كوروناۆيرۋستىڭ ءوسۋ قارقىنى سوڭعى ەكى اپتادا %1,1 كورسەتىپ وتىر.