شىمكەنتتەگى ەتنواۋىلدا ءورت شىقتى

شىمكەنت. قازاقپارات - شىمكەنت قالاسىنداعى ەتنواۋىلدا ءورت شىقتى، دەپ حابارلايدى قازاقپارات. بۇل تۋرالى ت ج م رەسي وكىلى تالعات ءۋالي مالىمدەدى.

«26-تامىزدا تۇنگى ساعات 00.49-دا «101» باسقارۋ پۋلتىنە ءال- فارابي اۋدانىنداعى ساپاق داتقا كوشەسى بويىندا ورنالاسقان «شىمقالا» ەتنواۋىل اۋماعىندا ءورت شىققانى تۋرالى حابار كەلىپ تۇسكەن. ەتنواۋىلدا قۇرىلىس جۇمىستارى جۇرگىزىلىپ جاتقان. ءورت ءسوندىرۋ بولىمدەرى شاقىرتۋعا 7 مينۋتتا كەلگەن. وقيعا ورنىندا ەتونواۋىل اۋماعىندا ورنالاسقان كولەمى 80 شارشى مەتر باستىرما جانە كولەمى 8 شارشى مەتر قورانىڭ قامىس توبەسى جانعاندىعىن انىقتادى»، دەلىنگەن حابارلامادا.

ءورت ساعات 01:10 دا وقشاۋلانىپ، ساعات 01:19 دا تولىعىمەن ءسوندىرىلدى.

وقىس وقيعادان ەشكىم زارداپ شەكپەگەن. قازىر ءورتتىڭ شىعۋ سەبەپتەرى انىقتالىپ جاتىر. ءورتتى سوندىرۋگە شىمكەنت قالالىق ت ج د ءورت ءسوندىرۋ قىزمەتىنىڭ 25 قىزمەتكەرى مەن 5 تەحنيكاسى جۇمىلدىرىلدى.