جاپون اۆتو ءوندىرىسى قالاي الەمدىك برەندكە اينالدى؟

جاپون كولىكتەرى دەسە بولدى، تاۋعا دا، تاسقا دا سوقسا دا، بۇزىلمايتىن، شاشىلمايتىن سەنىمدى كولىك ويعا ورالادى. كۇنشىعىس ەلىنىڭ كولىكتەرىن قازاقتار دا جاقسى كورەدى. ءبىراق مۇنداي جەتىستىككە جەتۋدىڭ استارىندا قاجىرلى ەڭبەك پەن وي كۇشى جاتقانىن ءبىرىمىز بىلسەك، ءبىرىمىز بىلمەيمىز.

ەندەشە جاپون اۆتوكولىك ءوندىرىسى قالاي باستالىپ ەدى، سوعان كوز جىبەرەيىك.

1950-جىلدار

سوعىستان كەيىنگى كەزەڭ جاپونياعا وتە اۋىر بولدى. سوعىستان جەڭىلىپ شىققان جاپون حالقىنىڭ ەكونوميكاسى استان-كەستەڭ، ءوندىرىسى قۇلاعان كۇيدە ەدى. كولىك شىعارۋ تۇرماق، كولىك جۇرەر جول جوق كەز. ەلدىڭ ءبارى ۆەلوسيپەدپەن جۇرگەن شاق.

ال جاپونيانىڭ قۋاتتى ءوندىرىس كومپانياسى - Toyota بانكروت بولۋدىڭ از-اق الدىندا تۇرعان. 1950-جىلدارى 300 كولىك قانا شىعارعان. داعدارىستان شىعۋ ءۇشىن بانكتەن نەسيە الىپ، جۇمىسشىلارىن شەتىنەن قىسقارتۋعا ءماجبۇر بولادى. جاعداي وتە اۋىر.

جاپونيا. 1958-جىل

Toyota-نىڭ اياقتان تۇرۋىنا كورەيا تۇبەگىندە ورىن العان سوعىس «كومەكتەستى». اياق استىنان ا ق ش اسكەرىنەن 4679 جۇك كولىگىن جاساۋعا تاپسىرىس الىپ، ءىرى كەلىسىمشارتقا قول جەتكىزدى.

ال 1955-جىلى جاپون ۇكىمەتى شەتەلدەن كولىك ساتىپ الۋعا تىيىم سالادى. بۇل شەشىم جاپون اۆتو وندىرىسىنە كادىمگىدەي كۇش پەن رۋح بەردى. كوممەرتسيالىق كولىك پەن موتوسيكل جاساۋدى قولعا الادى. 1954-جىلى ءبىرىنشى توكيو اۆتوكورمەسى ءوتتى.

1960-جىلدار

1960-جىلدارى جاپون اۆتو ءوندىرىسى ىشكى نارىقتى تولىقتاي قامتىپ، ەندى تاۋارىن ەكسپورتقا شىعارۋدىڭ جولدارىن ىزدەستىرە باستادى. ءبىراق الەمدىك قاۋىمداستىق جاپون اۆتو ءوندىرىسىن جاعىمدى قابىلداي قويمادى. ءالى سەنىم جوق. «جاپون ينجەنەرلەرى امەريكا كولىگىنەن پلاگيات جاسايدى، ودان اسىپ ەشقايدا بارعان ەمەس» دەگەن پىكىر باسىم ەدى.

جاپونيا نارىعى اۆتوكولىك ساتىلىمىنا تار كورىندى. سوندىقتان جاپون كومپانيالارى شەتەلگە، اسىرەسە، ا ق ش- قا شىققىسى كەلدى. 1957-جىلى تويوتا گولليۆۋدتا العاشقى ديلەرلىك ورتالىعىن اشتى. ءبىر جىلدا Toyota Crown اتتى سەداننىڭ 287 ءى داناسىن، Land Cruiser- دىڭ 1 داناسىن ساتادى. 1959-جىلى تويوتانىڭ ءىزىن جالعاپ، حوندا (ول كەزدە موتوسيكل شىعارادى)، ءبىر جىلدان كەيىن نيسسان كەلەدى.

ا ق ش- تا اشىلعان العاشقى ديلەرلىك ورتالىق

نەگە ەكەنى بەلگىسىز، ا ق ش- تا جاپون كولىكتەرىنىڭ ساتىلىمى بىرتىندەپ وسە باستادى. ءبىر جاعىنان ارزان، ەكىنشى جاعىنان، بۇزىلمايتىن كولىككە دەگەن حالىقتىڭ سۇرانىسى باسىم بولسا كەرەك.

1965-جىلى تويوتا الەمدىك اۆتو ءوندىرىس رەيتينگىسىندە 11-ورىن، نيسسان 14-ورىنعا تابان تىرەدى.

1970-جىلدار

1970-جىلدارى جاپون اۆتوپرومىنا كۇش بەرگەن تاعى ءبىر جايت بولدى. 1973-جىلى الەمدە مۇناي داعدارىسى باستالدى. جانار-جاعارماي قىمباتتاپ، ەل ۇنەمدەۋگە كوشتى. ا ق ش- تىڭ 6-8 ءليترلى قۋاتتى «ماسلكار» ءوندىرىسى قۇلدىراي باستادى. وسى كەزدە بەنزين از تۇتىناتىن جاپون كولىكتەرىنە دەگەن سۇرانىس تاعى ارتتى.

Toyota Corolla جانە Corona، Nissan (Datsun) 1200 جانە Honda N600 كولىكتەرى سۇرانىسقا يە بولدى.

1975-جىلى Toyota كومپانياسى ا ق ش- تا اۆتوسالادا جەتەكشى وندىرۋشىگە اينالدى. 1979-جىلى الەمدە Toyota-نىڭ 2 ميلليون داناسى ساتىلعان ەكەن.

ال 1980-90-جىلدارى جاپون اۆتو ءوندىرىسى ءۇشىن ناعىز «التىن ءداۋىر» بولدى.

1960-جىلدارى جاپونيادا باستالعان ەكونوميكالىق رەفورما ءوز جەمىسىن بەردى. ج ءى ءو بويىنشا ۇلى بريتانيا، گەرمانيا مەن فرانسيانى باسىپ وزدى. ال 1970-جىلدارى ا ق ش پەن ك س ر و- نى باسىپ وزادى.

ەلەكترونيكا، روبوتوتەحنيكا سالاسى دامىپ، اۆتو وندىرىسكە قۋاتتى يمپۋلس بەردى.

1989-جىلى جاپونيادا 13 ميلليون كولىك شىعارىلعان ەكەن. ونىڭ 6 ميلليونى ەكسپورتقا كەتكەن. 90-جىلدارى جاپون كولىگى سەنىمدى، ىڭعايلى، بۇزىلمايتىن كولىك دەگەن يميدجگە يە بولدى.

massaget.kz