الماتى اكىمدىگى تيكتوكەرلەرگە بەينەبايان تۇسىرۋگە ىڭعايلى ورىن ۇسىنادى

الماتى. قازاقپارات - الماتى اكىمى باقىتجان ساعىنتايەۆ تيكتوكەرلەرمەن بىرگە تانىمال جاستار باعىتىن قولداۋ مەن ونى دامىتۋ ماسەلەلەرىن تالقىلادى، دەپ حابارلايدى قازاقپارات ءتىلشىسى.

«كرەاتيۆتى يندۋستريانى دامىتۋ ستراتەگياسى اياسىندا جاستاردىڭ ءوزىن-ءوزى تانىتۋى ءۇشىن جاعداي جاسايتىن بولامىز. الماتىنىڭ تورتتەن ءبىر بولىگى 18 جاسقا دەيىنگى جاستار ەكەنى بەلگىلى. جوعارى وقۋ ورىندارىندا 168 مىڭ ستۋدەنت، كوللەدجدە 68 مىڭ ستۋدەنت ءبىلىم الادى» - دەپ جازدى ب. ساعىنتايەۆ Instagram پاراقشاسىندا.

قالا باسشىسىنىڭ ايتۋىنشا، بىزدەگى حاۋستار (تيكتوكەر كومانداسى - اۆت) 10 مىڭ ادام ىشىنەن الەم بويىنشا 2-3-ورىن الادى. تانىمال تىktok حاۋستەر تيكتوكەرلەرى مەن پروديۋسەرلەرى تاجىريبە الماسۋعا دايىن، دامۋعا، سونداي- اق جاڭادان كەلگەندەردىڭ شىعارماشىلىعىن مونەتيزاتسيالاۋعا كومەكتەسۋگە دايىن. ال اكىمدىك تاراپىنان جايلى جاعداي جاساۋ نەمەسە بەينەبايان تۇسىرۋگە ىڭعايلى ورىن ۇسىنۋ بويىنشا كومەك كورسەتىلەتىن بولادى.

باقىتجان ساعىنتايەۆ ءوز جازباسىندا تانىمال TikTok جۇلدىزدارىنىڭ قالا ومىرىنە ات سالىسىپ، الماتىنىڭ تۋريستىك برەندىن قالىپتاستىرىپ، دامىتۋعا، سۇيىكتى قالامىز تۋرالى الەمگە جار سالىپ، قالالىق قوعامداستىقتىڭ وزەكتى ماسەلەلەرىن شەشۋگە كومەكتەسۋگە دايىن ەكەندىگى قۋانتاتىنىن ايتتى.

دۋمان ارعىنگەلدى