ءداستۇرلى وقۋ: مەكتەپتە قانداي سانيتارلىق تالاپتار ساقتالۋى ءتيىس

نۇر-سۇلتان. قازاقپارات - ساناۋلى كۇننەن سوڭ العاشقى قوڭىراۋ سوعىلادى. وسى ورايدا پاندەميا جاعدايىندا مەكتەپتەردىڭ جۇمىسى قالاي بولماق، قانداي سانيتارلىق تالاپتار ساقتالۋى ءتيىس.

وسى جانە وزگە دە سۇراقتاردىڭ جاۋابىن قازاقپارات ءتىلشىسى نۇر-سۇلتان قالاسىنىڭ سانيتاريالىق- ەپيدەميولوگيالىق باقىلاۋ دەپارتامەنتىنەن سۇراپ ءبىلدى.

«كوروناۆيرۋستىق ينفەكتسيانىڭ ودان ءارى تارالۋىن الدىن الۋ ماقساتىندا الدىمەن مەكتەپتە وقۋشىلار، مۇعالىمدەر، سونىمەن قاتار باسقا دا قىزمەتكەرلەر مىندەتتى تۇردە ماسكا تاعۋى قاجەت. جانە «ءبىلىم بەرۋ وبەكتىلەرىنە قويىلاتىن سانيتاريالىق- ەپيدەميولوگيالىق تالاپتار» ق ر د س م №611-بۇيرىعىنا سايكەس سىنىپتا 25 وقۋشىدان ارتىق بولماۋى ءتيىس. 2021-2022 -جىلعى وقۋ جىلىن ۇيىمداستىرۋ، ودان بولەك سىنىپتاردىڭ تولىمدىلىعى قازاقستان رەسپۋبليكاسىنىڭ باس مەملەكەتتىك سانيتارلىق دارىگەرىنىڭ قاۋلىسىندا ايقىندالاتىن بولادى»، - دەگەن جاۋاپ كەلدى دەپارتامەنتتەن.

سونداي-اق، سانيتارلىق تالاپتارعا ساي سىنىپتاردا كۇنىنە كەمىندە 2 رەت دەزينفەكسيا جۇرگىزىلۋى ءتيىس.

«ساباق اراسىنداعى ۇزىلىستەر ءار بۋىن (تومەنگى، ورتاڭعى، جوعارى سىنىپتار) ءۇشىن ءارتۇرلى ۋاقىتتا بولۋى ءتيىس. وقۋشىلاردىڭ شوعىرلانۋى بولماۋ ءۇشىن الەۋمەتتىك ارا قاشىقتىقتىڭ ساقتالۋىن مۇعالىمدەر قاداعالاعانى ءجون. سونىمەن قاتار «ءبىلىم بەرۋ وبەكتىلەرىنە قويىلاتىن سانيتاريالىق- ەپيدەميولوگيالىق تالاپتار» ق ر د س م №611-بۇيرىعىنا سايكەس سىنىپتاردا كۇنىنە كەمىندە 2 رەت ۆيرۋليتسيدتىك اسەرى بار دەزينفەكتسيالاۋشى زاتتاردى قولدانا وتىرىپ ىلعالدى تازالىق جۇمىسى جۇرگىزىلۋى ءتيىس»، - دەلىنگەن حابارلامادا.