ايبەك نۇعىماروۆ: ەگەمەندىكتىڭ ارقاسىندا قازاق كۇرەسى الەمدىك دەڭگەيگە جەتتى
«ەلىمىزدىڭ ەگەمەندىك الۋى قازاق سپورتشىلارىنىڭ جولىن اشىپ بەردى. وتىز جىلدىڭ ىشىندە حالىقارالىق دودالاردا جەرلەستەرىمىزدىڭ جەتكەن جەتىستىكتەرى بارشىلىق. قازاقستاننىڭ اتىن شىعارىپ، ەل نامىسىن ابىرويمەن قورعاپ جۇرگەن سپورتشىلارىمىز از ەمەس. بۇنىڭ بارلىعى تەك تاۋەلسىزدىكتىڭ ارقاسىندا مۇمكىن بولدى»، - دەيدى ايبەك نۇعىماروۆ.
ونىڭ ايتۋىنشا، وليمپيادا ويىندارىندا تالاي الەم چەمپيوندارى شىعىپ، ءانۇراندى اسقاقتاتىپ، كوك تۋدى جەلبىرەتتى. ەگەمەندىكتىڭ ارقاسىندا ۇلتىمىزدىڭ ءتول سپورتى - قازاق كۇرەسى الەمدىك دەڭگەيگە جەتتى. ەلىمىزدىڭ تۇكپىر- تۇكپىرىندە، ونىڭ ىشىندە شىعىس قازاقستانداعى اۋىلدارعا تالاي سپورتتىق كەشەندەر سالىنىپ، وسكەلەڭ ۇرپاققا قاجەتتى جاعداي جاسالدى. بۇگىنگى جاستارعا سپورتپەن اينالىسۋعا ەش كەدەرگى جوق. كەرىسىنشە قانداي باعىتتى تاڭداسا دا الاڭسىز جاتتىعىپ، كاسىبي شىڭدالۋىنا بارلىق مۇمكىندىك بار. مىنە، سول ءۇشىن تاۋەلسىزدىكتى باعالاي بىلەيىك، - دەيدى قازاق بالۋاندارى اراسىنان تۇڭعىش «الەم بارىسى» اتانعان ايبەك نۇعىماروۆ.
اۆتور: تالعاتجان مۇحامەتبەك ۇلى
