قارجى ءمينيسترى الداعى جىلدارداعى بيۋدجەتتىڭ كىرىستەرى تۋرالى ايتتى
بۇل تۋرالى ۇكىمەت وتىرىسىندا ق ر قارجى ءمينيسترى ەرۇلان جاماۋبايەۆ ءمالىم ەتتى، دەپ حابارلايدى قازاقپارات ءتىلشىسى.
«سىزدەردىڭ قاراۋلارىڭىزعا «2022 - 2024 -جىلدارعا ارنالعان رەسپۋبليكالىق بيۋدجەت تۋرالى» زاڭ جوباسى ۇسىنىلىپ وتىر. زاڭ جوباسى بيۋدجەت زاڭناماسىنىڭ سوڭعى وزگەرىستەرىن ەسكەرە وتىرىپ، ەلىمىزدىڭ 2025 -جىلعا دەيىنگى الەۋمەتتىك- ەكونوميكالىق دامۋ بولجامى نەگىزىندە ازىرلەندى. بۇل ءاربىر ازاماتتىڭ ءال- اۋقاتىن جاقسارتۋعا جانە ەكونوميكانى بىرتىندەپ قالپىنا كەلتىرۋگە باعىتتالعان. 2022 -جىلى تۇسىمدەر بيىلدىڭ جوسپارىمەن سالىستىرعاندا 431 ميلليارد تەڭگەگە ۇلعايا وتىرىپ، 13 تريلليون تەڭگە دەڭگەيىندە بولجاندى. مۇنايلى ەمەس تۇسىمدەر 1,8 تريلليون تەڭگەگە نەمەسە % 25,1- عا ۇلعايۋمەن قاراستىرىلدى»، - دەدى ە. جاماۋبايەۆ.
ونىڭ ايتۋىنشا، مۇنايدان تۇسەتىن تۇسىمدەردى بىرتىندەپ ۇلتتىق قوردىڭ قاراجاتىن جيناقتاۋ رەجيمىنە ورالۋعا بايلانىستى 1,3 تريلليون تەڭگەگە تومەندەتۋ قاراستىرىلعان.
«ۇلتتىق قوردان كەپىلدەندىرىلگەن ترانسفەرت كەلەسى جىلعا 2,4 تريلليون تەڭگە مولشەرىندە انىقتالدى، ول بىرتىندەپ 2024 -جىلى 2,0 تريلليون تەڭگەگە دەيىن تومەندەيدى. ناتيجەسىندە، مۇنايلى ەمەس تۇسىمدەردىڭ ۇلەسى اعىمداعى جىلى % 56,4- دان 2024 –جىلى % 71,4- عا دەيىن وسەتىن بولادى»، دەدى مينيستر.
«رەسپۋبليكالىق بيۋدجەتتىڭ كىرىستەرى 2022 -جىلى 9,2 تريلليون تەڭگەنى، 2023 -جىلى- 9,7 تريلليون تەڭگەنى، 2024 -جىلى 10,4 تريلليون تەڭگەنى قۇرايدى. بيۋدجەت تاپشىلىعى 2022 -جىلى جالپى ىشكى ءونىمنىڭ % 3,3- نان كەزەڭ- كەزەڭمەن 2024 -جىلى جالپى ىشكى ءونىمنىڭ % 2,5- نا دەيىن تومەندەۋىمەن جوسپارلانعان. بۇل رەتتە مۇنايلى ەمەس تاپشىلىق كورسەتىلگەن كەزەڭدە جالپى ىشكى ءونىمنىڭ % 8,1- نان % 6,3- عا دەيىن تومەندەيدى»، - دەدى ۆەدومستۆو باسشىسى.
اۆتور: رۋسلان عابباسوۆ
