الداعى جىلى قازاقستاندا جالپى ىشكى ءونىمنىڭ ناقتى ءوسۋى قاي دەڭگەيدە بولادى؟
بۇل تۋرالى ۇكىمەت وتىرىسىندا 2022-2026-جىلدارعا ارنالعان الەۋمەتتىك- ەكونوميكالىق دامۋى بولجامىنىڭ جوباسىن تانىستىرۋ كەزىندە ۇلتتىق ەكونوميكا ءمينيسترى اسەت ەرعاليەۆ ءمالىم ەتتى، دەپ حابارلايدى قازاقپارات ءتىلشىسى.
«ەلىمىزدىڭ 2022- 2026-جىلدارعا ارنالعان الەۋمەتتىك-ەكونوميكالىق دامۋ بولجامى الەمدەگى جانە ەلىمىزدىڭ ەكونوميكاسىنىڭ ءتۇرلى دامۋ ستسەنارييلەرىنە سايكەس مىناداي پارامەترلەر ەسكەرىلە وتىرىپ قالىپتاستىرىلدى:
1) 2020-جىلعى جالپى ىشكى ءونىم بويىنشا ەسەپتىك ستاتيستيكالىق دەرەكتەردى جانە بيىلعى قاڭتار-شىلدە ايلارىنداعى ەكونوميكانى دامىتۋ قورىتىندىلارى؛
2) حالىقارالىق قارجى ۇيىمدارىنىڭ جاڭارتىلعان بولجامدارى بويىنشا الەمدىك ەكونوميكانىڭ ءوسۋى 2022-جىلى 4,9 پايىزعا، 2023-جىلى - 3,5 پايىزعا ءوسۋى كۇتىلۋدە؛ 3) حالىقارالىق قارجى ۇيىمدارىنىڭ كونسەنسۋس- بولجامى بويىنشا 2022 -جىلى مۇناي باعاسىنىڭ باررەلى 64,5 ا ق ش دوللارى، ال، 2023-جىلى - 58 ا ق ش دوللارى دەڭگەيىندە بولادى.
«سىرتقى جانە ىشكى جاعدايلارعا بايلانىستى قازاقستان ەكونوميكاسىن دامىتۋدىڭ 2022-2026-جىلدارعا ارنالعان بازالىق، وپتيميستىك جانە پەسسيميستىك سەناريلەرى ازىرلەندى. بازالىق سەناري كەزىندە جالپى ىشكى ءونىمنىڭ ورتاشا جىلدىق ءوسۋى 4,8 پايىزدى، وپتيميستىك - 5 پايىزدى جانە پەسسيميستىك - 4,6 پايىزدى قۇرايدى. نەگىز رەتىندە، بيۋجەتتى جوسپارلاۋ ءۇشىن بازالىق سەناريدى پايدالانۋ ۇسىنىلادى. وسى سەناري كەزىندە 2022-جىلى جالپى ىشكى ءونىمنىڭ ناقتى ءوسۋى 3,9 پايىز دەڭگەيىندە بولجانۋدا. 2026 -جىلى 5,2 پايىزعا دەيىن جەدەلدەيدى»، - دەدى ءا. ەرعاليەۆ.
ونىڭ ايتۋىنشا، 2022-جىلى نومينالدى جالپى ىشكى ءونىم 87,1 تريلليون تەڭگەنى، ال 2026 -جىلى 119,9 تريلليون تەڭگەنى قۇرايدى. بارلىق بازالىق سالالاردا وڭ ءوسىم بولجانادى.
