ا ق ش- تا ۇشاق تاسيتىن اتوم كەمەسىن العاش رەت ايەل باسقاردى
كاپيتان ەمي باۋەرنشميدت Abraham Lincoln اۆياتاسىمالداعىشىنىڭ كومانديرى بولىپ العاش رەت 2020-جىلدىڭ جەلتوقسانىندا تاعايىندالدى. 23- تامىزدا گەرمانيا ب ا ق- تارى 19- تامىزدا سان-ديەگو قالاسىندا وتكەن سالتاناتتى ءراسىم كەزىندە ونىڭ بۇل قىزمەتكە رەسمي تۇردە كىرىسكەنىن حابارلادى.
ەمي باۋەرنشميدت 49 جاستا. ول ميلۋوكي قالاسىنىڭ تۋماسى (ۆيسكونسين شتاتى).
TaskPurpose ونلاين باسىلىمىنىڭ مالىمەتىنشە، ايەلدەرگە اسكەري كەمەلەردىڭ بورتىندا قىزمەت ەتۋگە رۇقسات بەرىلە سالا، باۋەرنشميدت 1994-جىلى اسكەري-تەڭىز اكادەمياسىن بىتىرگەن العاشقى تۇلەكتەردىڭ قاتارىندا بولدى. ودان كەيىن ول اسكەري-تەڭىز اۆياتسياسىنىڭ ۇشقىشى رەتىندە قىزمەت اتقارىپ، اۋەدە جالپى 3000 ساعاتتان استام ۋاقىت وتكىزگەن.
2016-جىلى باۋەرنشميدت Abraham Lincoln اۆياتاسىمالداعىشى كومانديرىنىڭ اعا كومەكشىسى رەتىندە تاعايىندالىپ، تاريحتا بۇل قىزمەتتەگى العاشقى ايەل بولدى.
2019-جىلدىڭ قاراشاسىنان 2020-جىلدىڭ قازان ايىنا دەيىن ول San Diego كەمەسىن باسقاردى.
ۇزىندىعى 300 مەتردەن اساتىن Abraham Lincoln اتوم اۆياتاسىمالداعىشى ا ق ش اۋە-تەڭىز كۇشتەرى قىزمەتىنە 1989-جىلى بەرىلگەن.
بۇل كەمە ءبىر ۋاقىتتا 85 ۇشاق تاسىمالداي الادى.
