قىتاي مەن ا ق ش- تا سۋ تاسقىنى تۇرعىنداردى ءۇي-كۇيسىز قالدىردى

قىتاي مەن ا ق ش- تا تاسقىن ءجۇرىپ، ءبىرقاتار وتباسىنىڭ بارار جەر، باسار تاۋى قالماعان. ال رەسەيدە ورمان ءورتى ءورشىپ، ەلدى مەكەندەرگە قاۋىپ توندىرە باستادى. اپاتتان ەسەڭگىرەگەن حالىق ەندى بيلىكتىڭ كومەگىن كۇتىپ وتىر.

بۇل - قىتايدىڭ شەنسي پروۆينتسياسىنداعى چجەنان قالاسى. توپەلەپ جاۋعان جاۋىننان شاھاردى سۋ باسقان. تەرەڭدىگى تىزەدەن كەلەدى. اپاتتان جولدار وپىرىلىپ، ونداعان ءۇي جارىقتان اجىراتىلىپ قالعان.

قازىر كوممۋنالدى قىزمەت ماماندارى كۇشەيتىلگەن رەجيمدە جۇمىس ىستەپ جاتىر. تۇرعىندار قاۋىپسىز جەرگە كوشىرىلىپ، ارنايى تەحنيكامەن كوشەلەر تازارتىلۋدا. ال سىچۋان پروۆينتسياسىندا مىڭداعان ادام باسپاناسىنان ايىرىلىپ، 589 گەكتار ەگىستىك القابى جارامسىز كۇيگە اينالعان.

رەسمي ورىنداردىڭ دەرەكتەرى بويىنشا 2516 ادام شۇعىل تۇردە ەۆاكۋتسيالاندى. ابىروي بولعاندا، ازىرگە ادام شىعىنى جوق.

مۇحيتتىڭ ارعى بەتىندەگى ا ق ش- تا وسىنداي جاعداي. «گەنري» داۋىلىمەن قوسا ايماقتا جاڭبىر جاۋىپ، كوشەلەر سۋعا تولدى. سالدارىنان بىرنەشە ەلدى مەكەندى سۋ باسىپ، مىڭداعان ۇيگە زاقىم كەلدى. قايتىس بولعاندار مەن ءىز-ءتۇزسىز كەتكەندەردىڭ سانى انىقتالۋدا.

ەلدىڭ داۋىلداردى باقىلاۋ ۇلتتىق ورتالىعىنىڭ مالىمەتى بويىنشا 21 ميلليون امەريكالىق ءالى دە قاۋىپتى ايماقتا قالىپ وتىر.

اسىرەسە، نيۋ-يورك جانە كوننەكتيكۋت شتاتتارىنىڭ تۇرعىندارى.

دجو بايدەن، ا ق ش پرەزيدەنتى:

- سۋ باسۋ سالدارىنان قايتىس بولعانداردىڭ وتباسىلارىنا كوڭىل ايتامىن. بۇل بارلىعىمىز ءۇشىن ۇلكەن تراگەديا بولىپ وتىر. كومەككە مۇقتاج ادامدارعا كومەك كورسەتۋگە دايىنبىز. بۇل داۋىل كوپتەگەن ادامعا قاۋىپ ءتوندىرىپ تۇر. جانە ءبىز داۋىلدان زارداپ شەككەن ەلدى مەكەندەرگە كومەك كورسەتۋدى باستايمىز. ءوز كەزەگىندە تەننەسسي شتاتىنداعى سۋ تاسقىنىنان وپات بولعاندار سانى 22 گە جەتتى. تاعى 40 قا جۋىق تۇرعىن ۇشتى-كۇيلى جوعالعان.

اپاتتان ايماقتاعى بايلانىس جەلىسى ءۇزىلىپ، كولىكتەر مەن عيماراتتار قيراپ قالدى. بيلىك وكىلدەرى سۋ تاسقىنىنان زارداپ شەككەندەرگە كومەك كورسەتەمىز دەيدى. قازىر ماماندار تاسقىننان كەلگەن شىعىن مولشەرىن ەسەپتەپ جاتىر.

بيلل لي، تەننەسسي شتاتىنىڭ گۋبەرناتورى:

- ايماقتا رەكوردتىق مولشەردە جاۋىن ءتۇستى. نەبارى 12 ساعاتتا 15 ديۋيم جاڭبىر جاۋدى. قازىر اپات سالدارى مەن زاردابىن جويۋعا تىرىسىپ جاتىرمىز. وسى ارالىقتا رەسەيدىڭ سامارا وبلىسىندا ورمان ءورتى قاۋلاپ جاتىر. تابيعات اپاتىنان 3 ادام زارداپ شەككەن. ماماندار جالىننىڭ 5 مىڭ گ ا جاسىل جەلەكتى تىپ-تيپىل ەتكەنىن حابارلايدى.

ءتىلسىز جاۋ نەمچانكا مەن كونوۆالوۆكا ەلدى مەكەنىنە جەتىپ 18 عيماراتتى كۇلگە اينالدىرعان. ال گۆاردەيتسى اۋىلىندا ونداعان نىسان وتقا ورانعان. ءورتتى مەيلىنشە تەزىرەك ءسوندىرۋ ءۇشىن ايماققا مي-8 تىكۇشاعى جىبەرىلدى. ال ەرتەڭ بە-200 ۇشاعى قوسىلماق.