كابۋل اۋەجايىنداعى اتىستان كەيىن ءورت شىقتى
كابۋل. قازاقپارات - دۇيسەنبى كۇنى بولعان اتىستان كەيىن اۋعانستان استاناسى كابۋلداعى حالىقارالىق اۋەجايدا ءورت شىقتى.
بۇل تۋرالى Asharq Al-Awsat باسىلىمى گازەتى جازدى، دەپ حابارلايدى قازاقپارات.
گازەتتىڭ دەرەكتەرىنە قاراعاندا، كابۋل اۋەجايىنداعى ءورت ا ق ش اسكەري قىزمەتشىلەرى مەن بەلگىسىز ادامدار اراسىنداعى اتىستان كەيىن باستالعان.
ءورت پەن ونىڭ سالدارىنان اۋەجايعا كەلگەن شىعىن تۋرالى تولىق اقپارات بەرىلمەگەن.
بۇدان بۇرىن ا ق ش ارمياسىنىڭ ورتالىق قولباسشىلىعىنىڭ وكىلى ۋيليام ۋربان دۇيسەنبى كۇنى تاڭەرتەڭ كابۋل اۋەجايىندا بولعان اتىستان ا ق ش پەن كواليتسيا اسكەرى زارداپ شەكپەگەنىن ءمالىم ەتكەن.
ونىڭ ايتۋىنشا، «حاميد كارزاي حالىقارالىق اۋەجايىنىڭ سولتۇستىك قاقپاسىندا بولعان قاقتىعىس سالدارىنان ا ق ش اسكەرى نەمەسە كواليتسيا زارداپ شەكپەگەن. دۇشپاندىق نيەتتەگى بەلگىسىز بىرەۋ اۋەجايعا كىرۋدى باقىلايتىن اۋعان قاۋىپسىزدىك كۇشتەرىنە وق اتقان. ۋرباننىڭ سوزىنە قاراعاندا، وقيعا سالدارىنان «اۋعان كۇشتەرىنىڭ» ءبىر وكىلى قازا تاۋىپ، تاعى بىرنەشەۋى جارالانعان. ولارعا مەديتسينالىق كومەك كورسەتىلۋدە، زارداپ شەككەندەردىڭ جاعدايى تۇراقتى.
