الماتىدا كوروناۆيرۋس جۇقتىرۋ دەڭگەيى تومەندەمەي تۇر
مەگاپوليستە سيمپتومدى اۋرۋلاردىڭ ۇلەسىنىڭ ارتۋى بايقالدى، ول سوڭعى اپتادا %94,2- دى قۇرادى. بۇگىندە كوۆيدتىك ستاتسيونارلاردا 6602 ادام جاتىر، ونىڭ 182 ءسى بالا. 300 گە جۋىق ناۋقاستىڭ جاعدايى وتە اۋىر، تاعى 464 ءى رەانيماتسيادا، 2511 ءىنىڭ حالى ناشار.
20-39 جاس اراسىندا دەرتكە شالدىققاندار جوعارى - %33,5، 40-59 جاس اراسىندا - %25,2، 60 جاستان اسقاندار اراسىندا - 23، %1. قالعان %18 - بالالار مەن جاس وسپىرىمدەر.
كوروناۆيرۋستىڭ تارالۋىنا اسەر ەتەتىن فاكتورلار - تۋىستارمەن، دوستارمەن جانە جۇمىستاعى بايلانىس.
بۇگىندە الماتىدا ك ۆ ي ينفەكتسياسىن جۇقتىراتىن بەس ورىن انىقتالعان، ولار مىنالار: ساۋدا وبەكتىلەرى - %32، وتباسىلىق بايلانىس - %16، قوعامدىق كولىكتەر - %17,1، بازارلار - %13.
بۇقارالىق ءىس-شارالاردى وتكىزۋگە تىيىم سالىنعانىنا قاراماستان، قۇقىقبۇزۋشىلىق ازايماي وتىر.
كەيبىر الماتى تۇرعىندارى بارلىق تالاپتاردى ەلەمەي، ءتۇرلى مەرەكەلەر ۇيىمداستىرىپ، بۇقارالىق شارالار وتكىزەدى.
وسىلايشا، قالا تۇرعىندارى وزدەرىنىڭ دەنساۋلىعىنا عانا ەمەس، جاقىندارىنىڭ دەنساۋلىعىنا دا قاۋىپ توندىرۋدە. امبۋلاتورلىق ەمدەلەتىن ناۋقاستاردىڭ ءوزىن-ءوزى وقشاۋلاۋىنا ەرەكشە نازار اۋدارۋ قاجەت.
ىندەت جۇقتىرعان 143030 ناۋقاس موبيلدى بريگادا مەن تەلەمەديتسينا ورتالىعىنىڭ باقىلاۋىندا.
