قوسشى قالاسىنىڭ اكىمى تاعايىندالدى

كوكشەتاۋ. قازاقپارات - اقمولا وبلىسىنىڭ اكىمى ەرمەك مارجىقپايەۆتىڭ وكىمىمەن قوسشى قالاسىنىڭ اكىمى تاعايىندالدى، دەپ حابارلايدى قازاقپارات ءتىلشىسى وبلىستىق ىشكى ساياسات باسقارماسىنىڭ باسپا ءسوز قىزمەتىنە سىلتەمە جاساپ.

عايدار قاسەنوۆ اتباسار اۋدانىنىڭ تۋماسى. س. سەيفۋللين اتىنداعى اگرارلىق ۋنيۆەرسيتەتتى، ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتتى، حالىقارالىق بيزنەس اكادەمياسىن ءتامامداعان.

ەكونوميكا عىلىمدارىنىڭ كانديداتى. ەڭبەك جولىن 1998-جىلى استانا قالاسى الماتى اۋدانى اكىمى اپپاراتىنىڭ باس مامانى بولىپ باستاعان.

2001-جىلدان 2006-جىلعا دەيىن كوممەرتسيالىق قۇرىلىمداردا باسشىلىق لاۋازىمداردا جۇمىس ىستەدى.

2006-2008-جىلدارى استانا قالاسى الماتى اۋدانى اكىمىنىڭ ورىنباسارى، كەيىن اۋدان اكىمى قىزمەتتەرىن اتقارعان.

2008-2015-جىلدارى «قازتەمىرترانس» ا ق كورپوراتيۆتىك دامۋ جونىندەگى ۆيتسە-پرەزيدەنتى بولىپ جۇمىس ىستەدى.

تاعايىندالعانعا دەيىن اقمولا وبلىسى شورتاندى اۋدانىنىڭ اكىمى بولىپ ەڭبەك ەتتى.

ەسكە سالا كەتەيىك، 2021-جىلعى 27- شىلدەدە ق ر پرەزيدەنتى قاسىم-جومارت توقايەۆ اقمولا وبلىسىنىڭ اكىمشىلىك-اۋماقتىق قۇرىلىسىنداعى وزگەرىستەر تۋرالى جارلىققا قول قويدى.

«قازاقستان رەسپۋبليكاسىنىڭ اكىمشىلىك-اۋماقتىق قۇرىلىسى تۋرالى» قازاقستان رەسپۋبليكاسىنىڭ 1993-جىلعى 8- جەلتوقسانداعى زاڭىنىڭ 9-بابىنا سايكەس اقمولا وبلىسىنىڭ سەلينوگراد اۋدانى ودان وبلىستىق ماڭىزى بار قالا مارتەبەسىن العان قوسشى اۋىلىن ءبولۋ جولىمەن قايتا ۇيىمداستىرىلدى.