تۇركيا يرانمەن شەكاراداعى قورعان قۇرىلىسىن تەزدەتۋگە كىرىستى
وسىدان كەيىن انكارا يرانمەن اراداعى شەكارادا بۇعان دەيىن باستالعان قورعاننىڭ قۇرىلىسىن تەزدەتۋگە كىرىستى. سەبەبى جەرورتا تەڭىزىنىڭ جاعالاۋى سوڭعى 10 جىلدان بەرى سيريالىق بوسقىندارعا مەكەن بولعان.
ەندى تۇركيا كوشتىڭ جاڭا تولقىنىنا قانشالىقتى دايىن؟ تۇرىك جۇرتى نە دەيدى؟
مەرۋەرت قاناعات، ءتىلشى:
- تۇركيا پرەزيدەنتى يرانمەن اراداعى شەكاراعا ۇزىندىعى 300 شاقىرىمدىق قورعان تۇرعىزىپ جاتىر. بيىكتىگى 3 مەتر. قازىر قۇرىلىستىڭ تەڭ جارتىسى اياقتالعان. تالىپتەر كابۋلعا كىرمەي جاتىپ-اق تۇركياعا بەت العاندار بار. اپاتالاپ، اي بويى ارىپ-اشىپ جەتكەن ميگرانتتار ءتارتىپ ساقشىلارىنىڭ كوزىنە ءتۇسىپ قالماۋ ءۇشىن ءتۇرلى ايلا-شارعىعا بارادى.
مەحمەت ەمين بيلمەز، ۆان پروۆينتسياسىنىڭ گۋبەرناتورى:
- مۇنداي جاعدايلاردا قانداي شارا قولدانساڭىز دا، جالتارىپ شىعاتىندار تابىلادى. كۇننىڭ قولايسىزدىعىن پايدالانىپ، ياعني، جاۋىن-شاشىن، تۇماندى كۇندەرى شەكارادان ءوتىپ كەتكەندەر بار.
ناسير احماد، اۋعانستاندىق بوسقىن:
- ءبىزدىڭ ساپارعا شىققانىمىزعا ەكى جارىم اي بولدى، ەندى جەتتىم. بۇگىن تاڭەرتەڭ ۇرىلار تەلەفونىمىز بەن 850 تۇرىك ليراسىن (100 دوللار) ۇرلاپ كەتتى. كوپتەگەن پروبلەمالار بار. ۇكىمەت بىزگە نازار اۋدارسا ەكەن. اۋعاندىقتارعا راقىمشىلىق جاساسا دەيمىز. اۋعانستاندا سوعىس ءجۇرىپ جاتىر. تالىپتەر باسىپ العان. ءبىز وندا ءومىر سۇرە المايمىز.
فەرۋز سەدديحي، اۋعانستاندىق بوسقىن:
- امالسىزدان كەلدىك. تالىپتەر ەلىمىزگە شابۋىل جاسادى. ەندى ەلدى ولار باسقارادى. تۇرىك ۇكىمەتى ءبىزدى قابىلدايدى دەپ ۇمىتتەنەمىز. تۇركيا اۋعانستانمەن اۋە قاتىناستارىن توقتاتقان. تەك قانا ەۆاكۋاتسيالىق ساپارلارعا جۇرگىزىلەدى. ال شەكاراداعى قاۋىپسىزدىك ساقشىلارى ۇستاعان اۋعان بوسقىندارى ۋاقىتشا ميگراتسيالىق ورتالىقتارعا ورنالاستىرىلعان.
رامازان سەچيلميچ، كوشى-قون باسقارماسى ديرەكتورىنىڭ ورىنباسارى:
- اۋعانستانداعى احۋال بارىمىزگە بەلگىلى. ەلدەگى بارلىق حالىقارالىق رەيستەر توقتاتىلعان. وسىعان بايلانىستى ءبىرقاتار مەملەكەتتەر دەپورتاتسيالىق جۇمىستارىن ۋاقىتشا شەگەردى. ءبىز دە ەلگە زاڭسىز كەلگەن ازاماتتاردى ىشكە كىرگىزە الماي وتىرمىز. كوشى-قون ورتالىعىنا ۋاقىتشا ورنالاستىرىلعانداردىڭ ءبىرى - مورسال مۋزاۆي. ونىڭ ايتۋىنشا، مۇندا جەتىسكەننەن كەلمەگەن.
مورسال مۋزاۆي، اۋعان بوسقىن:
- بارلىعىن تاستاپ، وسىندا كەلۋگە ءماجبۇر بولدىق. ولار ايەلدەرگە زورلىق-زومبىلىق كورسەتتى، ءولتىردى. ەرلەردىڭ باسىن الادى. وندا ورالعىمىز كەلمەيدى. وسىندا كومەك بەرسىن. ءبىز بۇل جەردەن كەتپەيمىز. تۇركيادا 4 ميلليوننان استام سيريالىق بوسقىن بار. ەلدەگى وپپوزيتسيالىق پارتيالار «شەكارا-ار-نامىس» دەپ ۇرانداتىپ، بوسقىنداردىڭ بۇدان ءارى كوبەيۋىنە قارسى بولىپ وتىر.
الەۋمەتتىك جەلىلەردە يراننان تۇركياعا كەلگەندەردىڭ دە سۇرەتتەرى تاراپ كەتكەن. كەيبىر ب ا ق يرانمەن اراداعى شەكارادان كۇن سايىن مىڭعا جۋىق ميگرانت ءوتىپ جاتقانىن حابارلايدى. ءبىراق مۇنى ەل پرەزيدەنتى جوققا شىعاردى.
رەجەپ تايىپ ەردوعان، تۇركيا رەسپۋبليكاسىنىڭ پرەزيدەنتى:
- اۋعانستاننان تۇركياعا 1,5 ميلليون زاڭسىز بوسقىن كىردى دەگەن مالىمدەمە بوس ءسوز. وپپوزيتسيانىڭ كورسەتكەن ستاتيستيكاسى جالعان. اۋعانستاننان تۇركياعا مۇنداي كوشى-قون بولعان جوق. كەشە دە ايتتىم. تۇركيادا قازىر زاڭدى جانە قۇجاتسىز 300 مىڭعا جۋىق اۋعاندىق بوسقىن بار. مامانداردىڭ ايتۋىنشا، تالىپتەر كابۋلعا كىرگەننەن كەيىن ەلىنەن قاشقان بوسقىندار تۇرىك شەكاراسىنا 3-4 اپتادا جەتەدى. سوندىقتان ماسەلە كوبەيمەسە ازاياتىن ءتۇرى جوق. ال ەگەر «تاليبان» قوزعالىسى راقىمشىلىق جاريالاپ، ينكليۋزيۆتى ۇكىمەت قۇرسا، ەلدەن قاشقانداردىڭ قاتارى سيرەۋى دە مۇمكىن.
