پاراليمپيادانىڭ اشىلۋ سالتاناتىندا اۋعانستان تۋىن الىپ وتەدى
توكيو. Kyodo-قازاقپارات - توكيوداعى پاراليمپيادانىڭ اشىلۋ سالتاناتىندا جارىسقا قاتىسا المايتىن اۋعان سپورشىلارىنىڭ قۇرمەتىنە اۋعانستاننىڭ تۋى بوي كوتەرەدى.
بۇل تۋرالى دۇيسەنبى كۇنى جاپونيا استاناسىندا حالىقارالىق پاراليمپيادا كوميتەتىنىڭ (ح پ ك) باسشىسى ەندريۋ پارسونس ءمالىم ەتتى، دەپ حابارلايدى قازاقپارات Kyodo-عا سىلتەمە جاساپ.
«اۋعانستان تۋى پاراليمپيادانىڭ اشىلۋ سالتاناتىندا بوي كوتەرەدى. ءبىز ونى الىپ ءوتۋ ءۇشىن ب ۇ ۇ بوسقىندار ءىسى بويىنشا جوعارعى كوميسسارى باسقارماسىنىڭ وكىلىن شاقىردىق. وسىلايشا، ءبىز ولارعا تىلەكتەس ەكەنىمىزدى كورسەتكىمىز كەلەدى. ولار (اۋعانستان پاراليمپياداشىلارى) ويىنعا قاتىسۋى ءتيىس ەدى، الايدا، وكىنىشكە قاراي، بۇل مۇمكىن ەمەس»، - دەدى ول.
پاراليمپياداعا اۋعانستاننىڭ ەكى اتلەتى كەلۋى ءتيىس ەدى. ولاردىڭ اراسىندا پاراليمپيادادا اۋعانستاننان العاش رەت قاتىسپاقشى بولعان ايەل زاكيا حۋدادادي بار بولاتىن. قۇراما توكيوعا 17- تامىز كەلەدى دەپ جوسپارلانعان. الايدا، ح پ ك- دان ءمالىم ەتكەندەي، اۋعانستانداعى جاعدايعا بايلانىستى ونى جاپونياعا قاۋىپسىز جەتكىزۋدىڭ امالى تابىلمادى. توكيوداعى پاراليمپيادا ويىندارى 24- تامىزدان 5- قىركۇيەككە دەيىن وتەدى.
