گەرمانيالىق ەڭ ءىرى باسىلىم قارسىلاسىن رينگ سىرتىنا قۇلاتقان قازاقستاندىققا تامساندى

نۇر-سۇلتان. قازاقپارات - گەرمانياداعى ەڭ ءىرى گازەتتەردىڭ ءبىرى Bild جۋرناليستى رالف شميدت Vesti.kz تىلشىسىنە بەرگەن سۇحباتىندا قازاقستاندىق جان كوسوبۋتسيدىڭ (16-0، 15 ك و) امەريكالىق دجوي داۆەيكونى (21-9-4، 12 ك و) جەڭگەنىنە قاتىستى پىكىرىن ءبىلدىردى.

قازاقستاندىق نوكاۋتشى سۋپەراۋىر سالماقتاعى «تانكتى» رينگ سىرتىنا قۇلاتتى

«ءبىرىنشى مينۋتتان-اق داۆەيكونىڭ جەڭىلەتىنىن ۋاقىت ەنشىسىندە ەكەنى بەلگىلى بولدى. كوسوبۋتسكي بارلىق جاعىنان باسىم كورىندى. ول وزىنە ىڭعايلى قالىپتا جۇدىرىقتاسىپ، جەكپە-جەكتى باقىلاۋىندا تولىق ۇستادى. امەريكالىق بوكسشى شىدامدىلىعىنان باسقا ەشتەڭە كورسەتە المايتىنداي بولدى. بىرنەشە سوققىنى كوتەرە العاندىقتان جەكپە-جەك ءبىراز جالعاسادى دەپ ويلاعان ەدىك. امەريكالىقتىڭ شۇيدەسىنە سوققى ءتيدى مە؟ بۇلاي دەۋگە كەلمەيدى. كەيىن دەنەدەن اۋىر سوققى العان دايۆەكو تۇرا الماي قالدى. شۇيدەسىنە سوققىسىز دا جان جەڭەتىن ەدى. ول بارلىق جاعىنان مىقتى بولىپ تۇردى. كوسوبۋتسكيدىڭ الەۋەتىنە ناقتى باعا بەرۋ قيىن، ءبىراق، ول مىقتى قارسىلاستارعا دايىن»، - دەيدى شميدت.