ەلوردا تۇرعىندارىن ۆاكسيناتسيا پۋنكتەرىنە جەتكىزەتىن اۆتوبۋستار ۇيىمداستىرىلدى

نۇر-سۇلتان. قازاقپارات - سارىارقا اۋدانىنداعى ەلدى مەكەندەردىڭ تۇرعىندارىن ۆاكسيناتسيا پۋنكتەرىنە جەتكىزەتىن ارنايى اۆتوبۋستار ۇيىمداستىرىلدى.

بۇل تۋرالى قازاقپارات ەلوردا اكىمدىگىنىڭ رەسمي سايتىنا سىلتەمە جاساپ حابارلايدى.

ۆاكسينا الاتىن تۇرعىندارعا ىڭعايلى بولۋ ءۇشىن اگروقالاشىق، كوكتال-1، كوكتال-2 ەلدى مەكەندەرىنەن ەمحانالارعا دەيىن ارنايى اۆتوبۋستار جۇرەتىن بولادى.

اۆتوبۋستاردىڭ جۇرەتىن ۋاقىتى مەن ورىندارى تۋرالى اقپاراتتى ەلدى مەكەندەردىڭ ينسپەكتورلارىنان بىلۋگە بولادى.

اگروقالاشىق ەلدى مەكەنىنىڭ ينسپەكتورى: ەرجان جۇماعۇلوۆ - 87015279899. كوكتال -1 جانە كوكتال-2 ەلدى مەكەندەرىنىڭ ينسپەكتورى: سامات توپاتايەۆ - 87028188801.

قازىرگى تاڭدا سارىارقا اۋدانىندا ورنالاسقان ەمحانالارعا 267354 تۇرعىن تىركەلگەن، ال ولاردىڭ 253812 ءسى كوروناۆيرۋس ينفەكسياسىنا قارسى ەكپە الدى.

ەستەرىڭىزگە سالا كەتەيىك، ىندەتپەن كۇرەسۋدىڭ ەڭ ءتيىمدى ءادىسى - حالىقتى جاپپاي ۆاكسيناتسيالاۋ ارقىلى ۇجىمدىق يممۋنيتەتتى قالىپتاستىرۋ. قازىرگى ۋاقىتتا ەلوردادا العاشقى مەديتسينالىق-سانيتارلىق كومەك كورسەتۋ مەكەمەلەرىندە، سونداي-اق ءىرى س و و مەن س ءۇ- دە 100 گە جۋىق ەگۋ پۋنكتى جۇمىس ىستەيدى.