رەسەيدە ورماندا اعاش كەسۋشىنى جولبارىس جەپ كەتتى

حاباروۆسك. ت ا س س- قازاقپارات - حاباروۆسك ولكەسىنىڭ ناناي اۋدانىنداعى اۋىلدىڭ بىرىندە اعاش كەسۋمەن اينالىساتىن ادامعا امۋر جولبارىسى شابۋىل جاساعان.

بۇل تۋرالى ت ا س س- قا ماياك اۋىلىڭ اكىمدىگى مالىمدەدى، دەپ حابارلايدى قازاقپارات.

«ارسەنيەۆو اۋىلىنىڭ ورمان القابىندا ادامدار تۇنەپ جاتقان ۆاگوننان 10-15 مەتر قاشىقتا جەرگىلىكتى تۇرعىن مەرت بولدى»، - دەپ مالىمدەدى اكىمدىكتەن.

41 جاستاعى ميحايل ۆاحتاعا 15 كۇنگە اعاش كەسۋگە كەلگەن. ەر ادام تۇندە ۆاگوننان شىعىپ، جوعالىپ كەتكەن. تاڭەرتەڭ ونىڭ قالتا شامى، اياق كيىمى جانە جەرگە شاشىراعان قانى تابىلعان.

«سونىمەن قاتار ول جەردەن جولبارىستىڭ ءىزى مەن ادامدى ورمانعا سۇيرەپ كەتكەن ءىز انىقتالدى»، - دەدى اكىمدىكتەگىلەر.

قازىر وقىس وقيعا بولعان جەرگە اڭشىلار توبى جىبەرىلدى.